ەرلان تۇرعىمبايەۆ ىشكى ىستەر ءمينيسترى قىزمەتىنەن كەتتى، دەپ حابارلادى اقوردا سايتى.
"مەملەكەت باسشىسىنىڭ جارلىعىمەن ەرلان زامانبەك ۇلى تۇرعىمبايەۆ قازاقستان رەسپۋبليكاسىنىڭ ىشكى ىستەر ءمينيسترى لاۋازىمىنان بوساتىلدى" " دەلىنگەن حابارلامادا.
قازىرگى ۋاقىتتا ەكس-مينيستر پرەزيدەنت كەڭەسشىسى لاۋازىمىنا تاعايىندالعانى بەلگىلى بولدى.
ەرلان زامانبەك ۇلى 1962 جىلى 14 تامىزدا الماتى قالاسىندا دۇنيەگە كەلگەن. ءبىلىمى – زاڭگەر، ىشكى ىستەر ورگاندارىنداعى قىزمەتىن 1984 جىلى باستاعان.
1986-2002 جىلدارى الاتاۋ جانە كالينين ءاىىب-نىڭ تەرگەۋ-جەدەل بولىنىستەرىندە، سونداي-اق الماتى قالاسىنىڭ قىىد-دە ءارتۇرلى باسقارۋشى لاۋازىمداردى اتقارعان.
2002 جىلدىڭ اقپانى مەن قىركۇيەگى ارالىعىندا – قازاقستان رەسپۋبليكاسى ىشكى ىستەر مينيسترلىگى توعىزىنشى دەپارتامەنتىنىڭ باستىعى.
2002-2003 جىلدارى – قازاقستان رەسپۋبليكاسى ءىىم قىلمىستىق پوليسيا دەپارتامەنتىنىڭ باستىعى.
2003-2006 جىلدارى – سولتۇستىك قازاقستان وبلىسى ىشكى ىستەر دەپارتامەنتىنىڭ ءبولىم باستىعى، باستىعى.
2006-2006 جىلدارى – قازاقستان رەسپۋبليكاسى ءىىم تەرگەۋ كوميتەتىنىڭ باستىعى.
2006-2012 جىلدارى – الماتى قالاسى ىشكى ىستەر دەپارتامەنتىنىڭ باستىعى.
2012 جىلدىڭ جەلتوقساننان باستاپ – قازاقستان رەسپۋبليكاسى ىشكى ىستەر ءمينيسترىنىڭ ورىنباسارى بولعان.
2019 جىلدىڭ 12 اقپانىندا ق ر ىشكى ىستەر ءمينيسترى قىزمەتىنە تاعايىندالدى.
پىكىر قالدىرۋ