"بۇگىن تاڭەرتەڭ قالادا نەمەسە ونىڭ اينالاسىندا بىرنەشە جارىلىس، اتىس داۋىستارى جانە زىمىراندىق سوققىلار ەستىلدى" دەپ حابارلادى BBC.
رەسەيلىك كۇشتەر العا جىلجىپ، كييەۆتە ۇرىس كۇشەيگەن.
ۋكراينا ىشكى ىستەر مينيسترلىگىنىڭ رەسمي وكىلى كييەۆتىڭ دارنيسكيي اۋدانىندا رەسەيلىك ۇشاق اتىپ تۇسىرىلشەنىن مالىمدەدى.
كييەۆتىڭ شەتىندەگى اۋەجايدا دا ۇرىس ءجۇرىپ جاتىر. ەگەر رەسەيلىك اسكەرلەر اۋەجايدى باسىپ السا، رەسەي ارمياسىنىڭ كييەۆكە كىرۋىنە كەڭىنەن جول اشىلماق.
ۋكراينا قورعانىس ءمينيسترىنىڭ ورىنباسارى بۇگىن كەشكە رەسەي كۇشتەرى كييەۆتىڭ سىرتىنداعى ايماققا كىرۋى مۇمكىن ەكەنىن ايتتى.
قاقتىعىس بارىسىندا رەسەي كۇشتەرى كييەۆتەن نەبارى 93 شاقىرىم جەردە ورنالاسقان بۇرىنعى چەرنوبىل اتوم كەشەنىن باقىلاۋعا العان.
اقش ول جەردە ۋكراينالىق ساربازدار كەپىلدە ۇستانىلىپ وتىرعانىن ءمالىم ەتتى.
شابۋىل باستالعاننان بەرى ۋكراينا رەسەيدىڭ باسقىنشىلىعىنا ءۇش بولەك مايداننان – ەلدىڭ سولتۇستىگىنەن، وڭتۇستىگىنەن جانە شىعىسىنان توسقاۋىل قويۋعا تىرىسىپ جاتىر.
پىكىر قالدىرۋ