ورتالىق سايلاۋ كوميسسياسىنا ءماجىلىس دەپۋتاتى داريعا نازاربايەۆانىڭ دەپۋتاتتىق وكىلەتتىگىن توقتاتۋ تۋرالى ءوتىنىشى كەلىپ ءتۇستى.
"1. قازاقستان رەسپۋبليكاسى پارلامەنتى ءماجىلىسىنىڭ دەپۋتاتى داريعا نۇرسۇلتان قىزى نازاربايەۆانىڭ ءوتىنىش بەرۋىنە بايلانىستى ونىڭ وكىلەتتىگىن مەرزىمىنەن بۇرىن توقتاتۋعا اكەلەتىن نەگىز تۋىندادى دەپ بەلگىلەنسىن.
2. قازاقستان رەسپۋبليكاسى پارلامەنتى ءماجىلىسىنىڭ دەپۋتاتى د.ن. نازاربايەۆانىڭ وكىلەتتىگىن مەرزىمىنەن بۇرىن توقتاتۋ تۋرالى ۇسىنىم قازاقستان رەسپۋبليكاسى پارلامەنتىنىڭ ماجىلىسىنە ەنگىزىلسىن" دەلىنگەن وسك حابارلاماسىندا.
بۇگىن داريعا نازاربايەۆا ءماجىلىس دەپۋتاتى رەتىندەگى وكىلەتتىگىن توقتاتۋ تۋرالى شەشىم قابىلداعانىن حابارلادى. ايتۋىنشا، ەندى ول تولىقتاي قوعامدىق، گۋمانيتارلىق، مادەني جانە قايىرىمدىلىق جۇمىستارمەن اينالىسادى.
پىكىر قالدىرۋ