ساياسات نۇربەك Nur Otan پارتياسى اتىنان ءماجىلىس دەپۋتاتى بولادى. بۇل تۋرالى Nur Otan پارتيانىڭ جاۋاپتى حاتشىسى اسحات ورالوۆ حابارلادى.
"ساياسي كەڭەس بيۋروسىنىڭ قاۋلىسى بويىنشا، Nur Otan پارتياسى پارلامەنتى ءماجىلىسى دەپۋتاتىنىڭ بوس مانداتىن پارتيالىق ءتىزىم بويىنشا ساياسات نۇربەككە بەرۋ تۋرالى شەشىم قابىلداندى. ءتيىستى شەشىم ورتالىق سايلاۋ كوميسسياسىنا جىبەرىلدى" دەلىنگەن حابارلامادا.
بۇگىن Nur Otan پارتياسىنىڭ ساياسي كەڭەسى بيۋروسىنىڭ قاۋلىسىمەن 28 اقپاندا ساياسي كەڭەستىڭ وتىرىسىن وتكىزۋ تۋرالى شەشىم قابىلداندى. وندا پارتيانىڭ كەزەكتەن تىس XXII سەزىنىڭ كۇن ءتارتىبى بەكىتىلەدى.
قاڭتار وقيعاسىنان بەرى ماجىلىستەگى بىردە-بىر جيىنعا قاتىسپاعان داريعا نازاربايەۆا 25 اقپاندا ءماجىلىس دەپۋتاتى رەتىندەگى وكىلەتتىگىن توقتاتۋ تۋرالى شەشىم قابىلداعانىن حابارلاپ، ورتالىق سايلاۋ كوميسياسىنا ءتيىستى ءوتىنىش جولداعان.
پىكىر قالدىرۋ