ۋكراينا پرەزيدەنتى ۆلاديمير زەلەنسكيي رەسەي پرەزيدەنتى ۆلاديمير ءپۋتيندى كەلىسسوز ۇستەلىنە وتىرۋعا شاقىردى. بۇل تۋرالى ۋكراينانىڭ جەرگىلىكتى تەلەارنالارى حابارلادى.
– ادامداردىڭ ءولىمىن توقتاتۋ ءۇشىن كەلىسسوز ۇستەلىنە وتىرايىق، – دەدى زەلەنسكيي.
24 اقپاندا تاڭەرتەڭ رەسەي پرەزيدەنتى ۆلاديمير پۋتين ۋكراينانىڭ شىعىسىنداعى دونباسس ايماعىن قورعايمىز دەگەن جەلەۋمەن ارنايى اسكەري وپەراسيا باستادى. ۋكراينا اسكەريلەرىنىڭ مالىمدەۋىنشە، شابۋىلعا بەلارۋس تە قاتىسۋدا.
ۋكراينا قازىرگى ۋاقىتتا بارىنشا قورعانىپ جاتىر. الايدا باتىس ساراپشىلارى كييەۆ بىرنەشە تاۋلىكتە قۇلايدى دەپ بولجاپ وتىر.
بۇگىن ۋكراينا پرەزيدەنتى ۆلاديمير زەلەنسكيي حالىققا ۇندەۋ جولداپ، قاقتىعىستاردا 316 ادام جارالانىپ، 137 ۋكراينالىق قازا تاپقانىن ايتتى.
رەسەي سىرتقى ىستەر ءمينيسترى سەرگەي لاۆروۆ بۇعان دەيىن ماسكەۋ ۋكراينا قارۋلى كۇشتەرى قارۋ-جاراعىن تاستاعان كەزدە عانا كەلىسسوزدەرگە دايىن بولاتىنىن مالىمدەگەن.
پىكىر قالدىرۋ