ۋكراينانىڭ سولتۇستىك-شىعىسىنداعى وحتىركا قالاسىندا رەسەيلىك ارتيللەريالىق سوققىدان 70-كە جۋىق ۋكراين ساربازى قازا تاپتى، دەپ حابارلادى جەرگىلىكتى رەسمي وكىل.
سۋمى وبلىسى مەملەكەتتىك اكىمشىلىگىنىڭ باسشىسى دميتريي جيۆيسكيي شابۋىلدان ۋكرايندىق اسكەري ءبولىم قيراعانىن، قۇتقارۋشىلار مەن ەرىكتىلەر مايىتتەردى ءۇيىندى استىنان شىعارۋمەن اينالىسىپ جاتقانىن ايتادى.
"كوپتەگەن ادامدار قازا تاپتى. قازىرگى ۋاقىتتا قازا تاپقان 70-كە جۋىق ۋكراينالىق جاۋىنگەرلەرگە ارنالعان زيرات ورىندارى دايىندالۋدا"، - دەپ جازدى جيۆيسكيي Telegram-دا.
"ءبىراق جاۋ دا وزدەرىنە لايىقتى سالدارىن كورەدى" دەپ قوستى ول.
ونىڭ ايتۋىنشا قالادا "كوپتەگەن ورىستاردىڭ دا مايتتەرى" بار، ولار ءقازىر قىزىل كرەستكە بەرىلىپ جاتىر. دەگەنمەن ونىڭ جاريالاعان مالىمەتتەرى راستالعان جوق.
پىكىر قالدىرۋ