بەلگىلى اقىن ولجاس سۇلەيمەنوۆ، قازاقستاننان شىققان العاشقى عارىشكەر توقتار اۋباكىروۆ، "بايتاق بولاشاق" ەكولوگيالىق اليانسىنىڭ پرەزيدەنتى ازاماتحان ءامىرتاي مەن وزگە دە قوعام قايراتكەرلەرى پارتيا قۇراتىنىن حابارلادى. سوعان وراي 2 ناۋرىز كۇنى نۇر-سۇلتان قالاسىندا وتىرىس وتپەك.
"تىركەلمەگەن "بايتاق" حالىقتىق-ەكولوگيالىق پارتياسى پارتيانى ادىلەت ورگاندارىندا تىركەۋ ماسەلەسى بويىنشا كەزەكتى مارتە ۇيىمداستىرۋ كوميتەتىنىڭ وتىرىسىن وتكىزەدى" دەلىنگەن اقپاراتتىق حابارلامادا.
وتىرىسقا سۇلەيمەنوۆ، اۋباكىروۆ، ءامىرتايدان بولەك، يراك الەكەيەۆ، وراق الييەۆ، ۆيكتور ساپۋلنيك سەكىلدى قوعام وكىلدەرى، ۇكىمەتتىك ەمەس ۇيىم جانە ەرىكتى ەكولوگيالىق قوزعالىستاردىڭ وكىلدەرى قاتىسپاق.
ۇيىمداستىرۋشىلار سوڭعى 5 جىل بويى ىنتالى توپ ادىلەت ورگانىنا تىركەۋ ماسەلەسىمەن 9 رەت جۇگىنگەنىن، بارلىق تالاپتار ساقتالعانىنا قاراماستان، ۇنەمى تىركەۋگە باس تارتىپ كەلگەنىن ايتادى.
"مەملەكەت باسشىسىنىڭ 2020 جىلعى 11 قاڭتار كۇنگى پارلامەنتتەگى "مەملەكەت پەن قوعام قارىم-قاتىناسىن ترانفورماسيالاۋ قاجەتتىگى تۋىپ وتىر. قوعامدىق كەلىسىمنىڭ جاڭا فورماتى كەرەك. قازاقستان ساياسي مودەرنيزاسيا جولىن جالعاستىرادى. بۇل – مەنىڭ ءپرينسيپتى ۇستانىمىم" دەگەن سوزدەرىنەن كەيىن بىزدە پارتيامىزدى تىركەۋگە ءۇمىت پايدا بولدى" دەيدى ۇيىمداستىرۋ كوميتەتى.
دەرەككوز: كازتاگ سايتى
پىكىر قالدىرۋ