رەسەي قورعانىس مينيسترلىگى كييەۆ تۇرعىندارىنا ۋكراينا استاناسىنداعى نىسانداردى اتقىلاۋعا دايىندالىپ جاتقانىن ەسكەرتتى.
كييەۆتىڭ تەحنولوگيالىق ورتالىقتارىنا شابۋىل جاسالاتىنى حابارلانىپ، جاقىن ماڭداعى تۇرعىنداردى كەتۋگە شاقىردى.
ورىس برونەترانسپورتەرلەرىنىڭ ۇلكەن كولونناسى قالاعا قاراي ىلگەرىلەپ كەلەدى.
ۋكراينا پرەزيدەنتى زەلەنسكيي ەۋروپارلامەنتتە ۆيدەوبايلانىس ارقىلى "ءبىزدىڭ رۋحىمىزدى ەشكىم سىندىرا المايدى" دەپ، دەپۋتاتتاردىڭ قوشەمەتىنە يە بولعان.
ول دەپۋتاتتاردى ۋكراينانى ەۋرووداق قۇرامىنا قابىلداۋعا جانە ونىڭ ەلىمەن بىرگە ەكەنىن دالەلدەۋگە شاقىردى.
ۋكراينانىڭ ءىرى قالاسى حاركوۆتىڭ ورتالىعىنداعى بوستاندىق الاڭى شابۋىلعا ۇشىراپ، ۇلكەن جارىلىس بولدى.
بيلىكتىڭ حابارلاۋىنشا، جارىلىستان كەم دەگەندە 10 بەيبىت تۇرعىن قازا تاپقان.
رەسەيدىڭ بۇل ارەكەتىن ۇلىبريتانيا پرەمەر-مينيسترى بوريس دجونسون "ۆارۆارلىق" شابۋىل جاسادى دەپ ايىپتادى
پىكىر قالدىرۋ