ۋكراينا پرەزيدەنتى ۆلاديمير زەلەنسكيي ەۋروپارلامەنتتە كەزەكتەن تىس سەسسيادا ءسوز سويلەدى.
ول ءوز ەلىندە بولىپ جاتقان وقيعالاردىڭ قاسىرەت ەكەنىن، جەرى، ەلىنىڭ بوستاندىعى جانە ءومىرى ءۇشىن كۇرەسىپ جاتقانىن ايتادى. ول: "ءبىزدىڭ رۋحىمىزدى ەشكىم سىندىرما المايدى، ويتكەنى ءبىز ۋكراينبى" دەدى.
زەلەنسكيي سونداي-اق رەسەيدىڭ ۋكراين بالالاردى نىساناعا الىپ اتقىلاۋى سالدارىنان كەشە 16 بالا قازا تاپقانىن جەتكىزدى.
ول ەۋروارلامەنتكە ۋكراينامەن بىرگە ەكەنىن، "ناعىز ەۋروپالىقتار" ەكەنىن دالەلدەۋگە شاقىردى.
بەينەبايلانىس ارقىلى سويلەگەن زەلەنسكييگە دەپۋتاتتاردىڭ ءبارى قول شاپالاقتادى.
ال رەسەي سىرتقى ىستەر ءمينيسترى سەرگەي لاۆروۆ ءسوز العاندا دەپۋتاتتار ورنىنان تۇرىپ، تىڭداماي كەتىپ قالدى.
پىكىر قالدىرۋ