قورعانىس مينيسترلىگى كوكتەم كەلۋىمەن جامبىل وبلىسى بايزاق اۋدانىنداعى جارىلىس كەزىندە ءىز-تۇسسىز جوعالعان سەرجانت باۋىرجان داۋىتبايەۆتى ىزدەۋ جۇمىستارى قايتا باستالاتىنىن حابارلادى.
سەرجانننىڭ دەنەسى ءالى كۇنگە دەيىن تابىلماعاندىقتان، ونىڭ جاقىندارى مەملەكەتتىك كومپەنساسيادان قاعىلىپ وتىر.
مينيسترلىك مالىمەتىنشە، ىزدەۋ جۇمىستارى قىسقى ماۋسىمعا بايلانىستى ۋاقىتشا توقتاتىلعان.
جارىلىستان قازا تاپقانداردىڭ وتباسى مەملەكەتتەن تومەندەگىدەي كومپەنساسيا تۇرلەرىن العان.
- قازا تاپقان اسكەري قىزمەتكەرلەرگە بىررەتتىك كومپەنساسيا – 60 960 000 تەڭگە (5 ادام)
- قازا تاپقان اسكەري قىزمەتكەرلەردى جەرلەۋگە كومپەنساسيا – 1 166 700 تەڭگە (5 ادام)
- اسكەري قىزمەتكەردىڭ قازا تابۋىنا بايلانىستى بەس جىلدىق جالاقىسى مولشەرىندەگى كومپانساسيا – 52 417 800 تەڭگە (5 ادام)
26 تامىز كۇنى كەشكى ۋاقىتتا جامبىل وبلىسى بايزاق اۋدانىندا ورنالاسقان اسكەري ءبولىم قويمالارىنىڭ بىرىندە ءورت شىعىپ، ارتىنشا وق-دارىلەر جارىلعان.
جارىلىس سالدارىنان 17 ادام قازا تاۋىپ، اسكەري ءبولىم ماڭىنداعى قاينار اۋىلىنداعى عيماراتتار بۇلىنگەن.
حابار-وشارسىز كەتكەن 34 جاستاعى سەرجانت باۋىرجان داۋىتبايەۆ ءالى تابىلمادى.
پىكىر قالدىرۋ