بىرىككەن ۇلتتار ۇيىمى ءقازىر ءبىر ميلليون بوسقىن ۋكراينادان كورشى ەلدەرگە قاشىپ كەتكەنىن حابارلادى.

حالىقارالىق قىلمىستىق سوت رەسەيدىڭ ۋكرايناداعى اسكەري قىلمىستارىنا قاتىستى تەرگەۋ باستادى.

رەسەي ۋكراينانىڭ نەگىزگى قالالارىنا شابۋىلدارىن كۇشەيتىپ جاتىر. ەلدىڭ سولتۇستىگىندە، شىعىسىندا جانە وڭتۇستىگىندە جەتىنشى كۇن شايقاس ءجۇرىپ جاتىر.

وڭتۇستىكتەگى ماريۋپول پورتىندا بىرنەشە ساعاتقا سوزىلعان اتقىلاۋدان كەيىن جۇزدەگەن ادام قازا تاپتى، دەپ حابارلادى قالا اكىمىنىڭ ورىنباسارى.

حەرسون قالاسىنىڭ مەرى بۇل ايماق رەسەيلىك كۇشتەردىڭ باقىلاۋىندا ەكەنىن ايتتى.

بىرىككەن ۇلتتار ۇيىمىنىڭ باس اسسامبلەياسى 1997 جىلدان بەرگى العاشقى شۇعىل وتىرىسىندا رەسەيدىڭ باسىپ كىرۋىن ايىپتادى.

ماسكەۋدىڭ قورعانىس مينيسترلىگى ۋكرايناعا باسىپ كىرۋ كەزىندە 498 رەسەيلىك سارباز قازا تاپقانىن العاش رەت مويىندادى.

رومان ابراموۆيچ "چەلسي" فۋتبول كلۋبىن ساتاتىنىن، ودان تۇسكەن قاراجات سوعىس قۇرباندارىنا كومەك كورسەتۋ ءۇشىن قايىرىمدىلىق قورىنا جىبەرىلەتىنىن ءمالىم ەتتى.

ۋكراينا مەن رەسەي اراسىنداعى كەلىسسوزدەر قايتا جالعاسادى دەپ كۇتىلۋدە، كەلىسسوزشىلەر بەلارۋسكە كەزەكتى كەزدەسۋگە بارادى.