اقش قورعانىس ۆەدومستۆوسىنىڭ رەسمي وكىلى كييەۆكە جاقىن جەردە رەسەيلىك اسكەري كولىكتەردىڭ ۇلكەن كورتەجى جانارماي مەن ازىق-تۇلىك تاپشىلىعىنا بايلانىستى "توقتاپ قالعانىن" مالىمدەدى. اعىلشىن اسكەري بارلاۋ قىزمەتىنىڭ باعالاۋى دا وسى اقپاراتتى راستايدى.
جەرگىلىكتى بيلىك وكىلدەرىنىڭ حابارلاۋىنشا، رەسەيلىك كۇشتەر وڭتۇستىكتەگى ماڭىزدى پورت قالا حەرسوندى باقىلاۋعا العان. بۇل – باسقىنشىلىق باستالعاننان بەرگى جاۋ قولىنا وتكەن ۋكراينانىڭ ءبىرىنشى ءىرى قالاسى.
"ماريۋپول پورتىندا بىرنەشە ساعاتقا سوزىلعان اتقىلاۋدان كەيىن جۇزدەگەن ادام ءولدى دەپ بولجانۋدا" دەيدى قالا اكىمىنىڭ ورىنباسارى. ۋكراينا اسكەريلەرى قالانىڭ ۋكرايندىقتاردىڭ قولىندا ەكەنىن العا تارتادى.
ەلدىڭ ەكىنشى قالاسى حارحوۆتە دە قاتتى اتىس بولدى. ۋكراينا پرەزيدەنتى ۆلاديمير زەلەنسكيي تۇندە ءوز ەلىن جانكەشتىلىكپەن قورعاپ جاتقان ازاماتتاردىڭ باتىلدىعىن ماداقتاعان ۆيدەو جاريالادى.
بىرىككەن ۇلتتار ۇيىمىنىڭ اقپاراتىنشا، باسقىنشىلىق سوعىس باستالعاننان بەرى ۋكراينادان ميلليوننان استام ادام بوسىپ كەتكەن، ولاردىڭ سانى تەز ءوسىپ كەلەدى.
گااگاداعى حالىقارالىق قىلمىستىق سوت ۋكرايناداعى اسكەري قىلمىستارعا قاتىستى تەرگەۋ باستادى.
پىكىر قالدىرۋ