الەمدىك كوشباسشىلار رەسەي كۇشتەرى ۋكراينادا اتوم ەلەكتر ستانسياسىنا شابۋىل جاساپ، ءورت تۋدىرعاننان كەيىن ماسكەۋدى تۇتاس كونتينەنتتىڭ قاۋىپسىزدىگىنە ءقاۋىپ ءتوندىردى دەپ ايىپتاپ جاتىر.
ۋكراينا بيلىگى رەسەي اتوم ەلەكتر ستانسياسىنا شابۋىل جاساۋى سالدارىنان ەۋروپاداعى ەڭ ءىرى اتوم ەلەكتر ستانسياسىنان ءورت شىققانىن ءمالىم ەتتى.
ۋكراينانىڭ توتەنشە جاعدايلار قىزمەتى زاۋىتتىڭ پەريمەترىنەن تىس عيماراتتا تۇتانعان ءورتتى اۋىزدىقتاۋعا تىرىسقانىن، ءبىراق زاۋىتتى رەسەيلىك اسكەريلەر باسىپ العانىن ايتادى.
ۇلىبريتانيا پرەمەر-مينيسترى بوريس دجونسون رەسەيدىڭ "ويسىز" شابۋىلى "بۇكىل ەۋروپانىڭ قاۋىپسىزدىگىنە تىكەلەي قاتەر ءتوندىرۋى مۇمكىن" دەيدى.
اقش پرەزيدەنتى دجو بايدەن ماسكەۋدى ستانسيا اينالاسىنداعى اسكەري ارەكەتتەرىن توقتاتۋعا شاقىرسا، كانادانىڭ پرەمەر-مينيسترى دجاستين تريۋدو رەسەيدىڭ "جان تۇرشىگەرلىك شابۋىلدارىن" "تەز ارادا توقتاتۋ كەرەك" دەيدى.
پىكىر قالدىرۋ