بەلگىلى بيزنەسمەن، "بۋتيا" لاقاپ اتىمەن تانىلعان ساياساتكەر بولات ءابىلوۆ پارتيا قۇراتىنىن ءمالىم ەتتى. بۇل تۋرالى ول مەدياكاسىپكەر ارمانجان بايتاسوۆقا بەرگەن سۇحباتىندا ايتتى.
ول ءارقاشان قوعامنىڭ ەۆوليۋسيالىق جولمەن دامىعانىن قالايتىن ادام بولعانىن، ەشكىمنەن ەشتەڭە تارتىپ الۋدى ويلامايتىنىن، ەشكىمدى قىزعانبايتىنىن ايتادى. ساياسي الاڭدا بيلىكپەن كۇرەسىپ جۇرگەن ازاماتتارعا ريزاشىلىعىن ءبىلدىرىپ، جاڭا ساياسي كۇشتەر كوبىرەك قۇرىلعانىن قۇپتايتىنىن جەتكىزدى.
كاسىپكەر جەمقورلىق سحەمالارى ارقىلى، جەكەشەلەندىرۋ بارىسىندا ۇرلانعان بايلىق قايتارىلۋى كەرەك دەپ سانايدى.
ساياساتكەر "قاڭتار وقيعاسىنان بەرى ەكى اي وتسە دە ۇكىمەت قازاقستاندىقتاردىڭ جاعدايىن جاقسارتۋ جولىندا ەشتەڭە جاسامادى، كەرىسىنشە حالىق تۇرمىسى ناشارلاي ءتۇستى" دەيدى.
سوزىنشە، 13 اقپان كۇنگى قارالى ميتينگكە شىعۋى ساياسي كارەراسىن جانداندىرۋداعى العاشقى قادامى بولعان.
بولات ءابىلوۆ زاڭنامالىق نەگىزدە ازاماتتارعا وقۋ اتۋعا تىيىم سالۋ كەرەكتىگىنە قول جەتكىزگىسى كەلەتىنىن اتاپ ءوتتى.
"ەسكى كادرلارمەن جاڭا قازاقستاندى قۇرۋ مۇمكىن ەمەس" دەگەن ول مەملەكەتتىك مۇددە بارىنەن جوعارى قويىلۋعا ءتيىس، ماسكەۋگە جالتاقتاۋدى دوعارى قاجەت دەگەن ويلاردى ايتتى.
پىكىر قالدىرۋ