«AMANAT» پارتياسىنىڭ اتقارۋشى حاتشىسى اسحات ورالوۆ جۇمىس ساپارىمەن الماتى قالاسىنا كەلدى.

پارتيا باسپا ءسوز قىزمەتىنىڭ مالىمەتىنشە، اسحات ورالوۆ قالالىق فيليالدىڭ كەزەكتەن تىس كونفەرەنسياسىنا قاتىسقان. وسى جيىندا دەلەگاتتار «AMANAT» پارتياسى فيليالىنىڭ جاڭا ءتوراعالىعىنا الماتى قالاسىنىڭ اكىمى ەربولات دوسايەۆتى سايلادى.

پارتيانىڭ اتقارۋشى حاتشىسى فيليال جاڭا باسشىلىعىنىڭ الدىندا پارتيانى مودەرنيزاسيالاۋدى ەسكەرە وتىرىپ، جۇمىستى جانداندىرۋ جانە سايلاۋالدى مىندەتتەمەلەردىڭ ساپالى ورىندالۋىن باقىلاۋ مىندەتتەرى تۇرعانىن اتاپ ءوتتى.

«وزدەرىڭىز بىلەتىندەي، مەملەكەت باسشىسى، «AMANAT» پارتياسىنىڭ ءتوراعاسى قاسىم-جومارت توقايەۆ حالىقپەن كەرى بايلانىس جاساۋدا ترانسپارەنتتىلىكتى ارتتىرىپ، قوعامنىڭ بارلىق وكىلدەرىمەن جۇمىستى كۇشەيتۋ بويىنشا مىندەتتەر قويدى. پارتيانىڭ بارلىق سايلاۋالدى ۋادەلەرىن – ازاماتتاردىڭ تالاپ-تىلەكتەرىن، «اماناتتارىن» ورىنداۋ نەگىزگى باسىمدىق بولىپ قالا بەرەدى. بۇل رەتتە ءبىز مەملەكەتتىك ورگانداردان سيفرلار تالاپ ەتەتىن تاجىريبەدەن الشاقتاۋىمىز كەرەك. ازاماتتاردىڭ پىكىرلەرىن ەسكەرە وتىرىپ، باعدارلامانىڭ تارماقتارىن ناقتى ىسكە اسىرۋعا ىقپال ەتەتىن پرواكتيۆتى فورماتقا اۋىسۋىمىز قاجەت»، - دەپ اتاپ ءوتتى اسحات ورالوۆ.

وسى كۇنى اسحات ورالوۆ زيالى قاۋىم وكىلدەرىمەن جانە پارتيا ارداگەرلەرىمەن دە كەزدەستى. ولاردىڭ ىشىندە ايگىلى اكتەر، تەاتر جانە كينو رەجيسسەرى ءاسانالى ءاشىموۆ، قازاقستان جازۋشىلار وداعى ءتوراعاسىنىڭ ورىنباسارى اقبەرەن ەلگەزەك، اقىن ءجۇرسىن ەرمان، جازۋشى سماعۇل ەلۋباي جانە ت.ب. بار.

اشىق پىكىر الماسۋ بارىسىندا زيالى قاۋىم وكىلدەرى پارتيا قىزمەتىن جەتىلدىرۋ جونىندەگى ءوز پىكىرلەرىن ورتاعا سالىپ، مەملەكەت باسشىسى، پارتيا ءتوراعاسى قاسىم-جومارت توقايەۆتىڭ حالىقتىڭ ءال-اۋقاتىن ارتتىرۋعا جانە جاڭا قازاقستاندى قۇرۋعا باعىتتالعان باستامالارىنا قولداۋ ءبىلدىردى.

جۇمىس ساپارىنىڭ العاشقى كۇنى اتقارۋشى حاتشى قالالىق ءماسليحاتتاعى «AMANAT» پارتياسى فراكسياسىنىڭ مۇشەلەرىمەن كەڭەس وتكىزدى. ول وسى جيىندا دەپۋتاتتارعا جۇمىستى كۇشەيتۋدى جانە قالالىق سايلاۋالدى باعدارلامانىڭ ورىندالۋىنا ساپالى باقىلاۋ ۇيىمداستىرۋدى تاعى ءبىر رەت تاپسىردى.

«الماتىلىقتارعا بەرگەن بارلىق ۋادەلەردى ورىنداۋ قاجەت. باقىلاۋدى كۇشەيتۋ ماقساتىندا الماتى قالاسىنا ارنالعان سايلاۋالدى باعدارلامانىڭ الەۋمەتتىك تۇسىن بيۋرو مۇشەلەرىنە، ال جول كارتاسىنىڭ ينديكاتورلارىن پارتيا وڭىرلىك فيليالى ساياسي كەڭەسىنىڭ مۇشەلەرىنە بەكىتۋ قاجەت»، - دەپ اتاپ ءوتتى اسحات ورالوۆ.