رەسەي پرەزيدەنتى ۆلاديمير پۋتين ەلدىڭ قارۋلى كۇشتەرى تۋرالى "جالعان" اقپارات تاراتقانداردى 15 جىلعا دەيىن باس بوستاندىعىنان ايىرۋ جازاسىن قاراستىراتىن زاڭ جوباسىنا قول قويدى.
بەيسەنبى كۇنى زاڭ جوباسىن رەسەيلىك دەپۋتاتتار ءبىراۋىزدان ماقۇلدادى.
كرەمل ۋكراينا باسىپ كىرۋىن "ارنايى اسكەري وپەراسيا" دەپ اتاپ، ماسكەۋدىڭ ارەكەتىن "باسقىنشىلىق" نەمەسە "سوعىس" دەپ سيپاتتاعان تاۋەلسىز رەسەيلىك باق-تى قۋدالاعان. ولاردىڭ كەيبىرى جابىلۋعا ءماجبۇر بولدى.
پۋتين سونداي-اق رەسەيگە قارسى سانكسيالار ەنگىزۋگە شاقىرعاندارعا ايىپپۇل سالۋعا نەمەسە تۇرمەگە قاماۋعا مۇمكىندىك بەرەتىن تاعى ءبىر زاڭ جوباسىنا قول قويدى.
