اقش مەملەكەتتىك حاتشىسى ەنتوني بلينكەن ۆۆس-گە ۋكراينا رەسەيمەن سوعىستا جەڭەتىنىنە سەنىمدى ەكەنىن مالىمدەدى.

ول قاقتىعىستىڭ قانشا ۋاقىتقا سوزىلاتىنىن ءدوپ باسىپ ايتپادى، ءبىراق ۋكراينا ءسوزسىز جەڭىلمەيتىنىن جەتكىزدى.

بلينكەن سونداي-اق ۋكراين حالقىنىڭ «ەرەكشە توزىمدىلىگىن» جوعارى باعالادى.

"ەگەر ماسكەۋ قانداي دا ءبىر جولمەن ۇكىمەتتى قۇلاتىپ، ءوزىنىڭ قۋىرشاق رەجيمىن ورناتۋدى كوزدەيتىن بولسا، 45 ميلليون ۋكراينالىق قازىرگىدەي جولمەن نەمەسە باسقا جولمەن باس تارتادى" دەدى ول.

"سوعىس رەسەي پرەزيدەنتى ۆلاديمير پۋتين جوسپارلاعانداي بولعان جوق" دەپ قوستى ول.

ۋكراينا كۇشتەرى رەسەيدىڭ باسقىنشىلعىنا قۋاتتى قارسىلىق كورسەتىپ جاتىر. سوعىس توعىزىنشى كۇنگە جالعاسۋدا.

وڭتۇستىكتە ورىس اسكەرلەرى قارا تەڭىز جاعالاۋىنداعى اۋدانداردى باسىپ الدى، ال ماريۋپول پورتى قورشاۋدا قالدى. ءبىراق نيكولايەۆ گۋبەرناتورى رەسەيلىك اسكەرلەر قالادان قۋىلعانىن ءمالىم ەتتى.

ۋكراينانىڭ سولتۇستىگىندەگى حاركوۆ قالاسى دا قورشاۋدا.

بلينكەن ەۋروپاعا التى كۇندىك ساپارىنىڭ باسىندا بريۋسسەلدە ەۋروپالىق وداقتاعى ارىپتەستەرىمەن كەزدەستى.

ونىڭ ايتۋىنشا، حالىقارالىق قاۋىمداستىق ۋكرايناعا كومەكتەسۋ ءۇشىن قولدان كەلگەننىڭ ءبارىن جاسايدى، سونداي-اق "ۆلاديمير پۋتين باستاعان سوعىستى توقتاتۋ ءۇشىن رەسەيگە اۋىر قىسىم كورسەتۋگە" دايىن.

"ۋكراينانىڭ جەڭەتىنىنە سەنىمدىسىڭ بە؟" دەگەن سۇراققا ول: "ۋاقىت وتە كەلە، مۇلدە (سەنىمدىمىن)" دەپ جاۋاپ بەردى.

بلينكەن سونىمەن قاتار سوعىستىڭ قانشا ۋاقىتقا سوزىلاتىنىن ايتا المايتىنىن جەتكىزدى.