رەسەي مەملەكەتتىك باق-تارىنىڭ حابارلاۋىنشا، كييەۆ پەن ۋكراينانىڭ باسقا قالالارىنداعى بەيبىت تۇرعىنداردىڭ قالادان شىعىپ كەتۋىنە مۇمكىندىك بەرۋ ءۇشىن اسكەري كۇشتەر وق اتۋدى توقتاتادى.
ال كييەۆ وعان كۇدىكپەن قارايدى. ۋكراينانىڭ ماريۋپول قالاسىنداعى شايقاستا "رەسەيلىك كۇشتەر اتىستى توقتاتۋعا كەلىسىلگەن ۋاقىتتا قالانى اتقىلاۋدى جالعاستىردى" دەپ مالىمدەدى كييەۆ.
كييەۆ ىرگەسىندەگى يرپين قالاسىنان تۇرعىندار قاشۋعا تىرىسقاندا، ءتورت ادام كوز جۇمعان. ونىڭ ىشىندە ءبىر ايەل ەكى بالاسىمەن بىرگە ءمينوموتتان قازا تاپتى.
ۋكراينا پرەزيدەنتى ۆلاديمير زەلەنسكيي رەسەيدى "شابۋىل كەزىندە بەيبىت تۇرعىنداردى ءولتىردى" دەپ ايىپتادى.
مۇناي باعاسى ۋكراينا داعدارىسى سالدارىنان سوڭعى 13 جىلداعى ەڭ جوعارى دەڭگەيگە كوتەرىلدى.
ۋكراينا قورعانىس شەنەۋنىكتەرى رەسەي كييەۆكە جاپپاي شابۋىل جاساۋعا دايىندالىپ جاتقانىن ەسكەرتتى.
رەسەي پرەزيدەنتى ۆلاديمير پۋتين ماسكەۋدىڭ تالاپتارى ورىندالمايىنشا، اسكەري ارەكەتتەر توقتامايتىنىن ايتادى. ول قىرىمدى رەسەيدىكى دەپ تانۋ، سەپاراتيستىك دحر مەن لحر-دىڭ تاۋەلسىزدىگىن مويىنداۋ تۋرالى شارت قويىپ وتىر.
پىكىر قالدىرۋ