بۇۇ-نىڭ گۋمانيتارلىق ىستەر جونىندەگى باسشىسى مارتين گريففيتس ۋكراينا مەن رەسەيدى سوعىستان قاشقان بەيبىت تۇرعىنداردىڭ ءقاۋىپسىز ءوتۋىن قامتاماسىز ەتۋگە شاقىردى.
"رەسەيدىڭ وق جاۋدىرۋى قورشاۋدا قالعان كييەۆ، ماريۋپول، سۋمى جانە حاركوۆ سياقتى قالالاردان بەيبىت تۇرعىنداردى ەۆاكۋاسيالاۋعا كەدەرگى كەلتىرىپ وتىر" دەپ حابارلادى ۋكراينا تاراپى.
ۋكراينا بۇعان دەيىن رەسەيدىڭ بەيبىت تۇرعىندارعا ەلدەن باس ساۋعالاۋ تۋرالى ۇسىنىسىن قابىلدامادى، كييەۆتىڭ مالىمەتىنشە، اشىلعان كوپتەگەن جولدار تەك رەسەيگە نەمەسە ونىڭ وداقتاسى بەلارۋسكە اپارادى.
رەسەي-ۋكراينا بەيبىت كەلىسسوزدەرىنىڭ ءۇشىنشى راۋندى ازداعان كەلىسىمدەرمەن اياقتالدى. وعان ساي گۋمانيتارلىق دالىزدەر اشىلماق. ءتورتىنشى راۋندى سەيسەنبىدە وتەدى.
رەسەي پرەمەر-مينيسترىنىڭ ورىنباسارى ماسكەۋ ەۋروپالىق سانكسيالارعا جاۋاپ رەتىندە وداققا تابيعي گازدى توقتاتۋ ارقىلى جاۋاپ قايتارۋى مۇمكىن ەكەنىن ەسكەرتتى.
ماسكەۋ باسقىنشىلىق سوعىسىن توقتاتۋ ءۇشىن ۋكراينادان ناتو مەن ەو-عا قوسىلمايتىنىنا كەپىلدىك بەرۋدى، قىرىمدى رەسەيدىكى دەپ تانىپ، سەپاراتيستىك دحر مەن لحر-دىڭ تاۋەلسىزدىگىن مويىنداۋدى تالاپ ەتىپ وتىر.
پىكىر قالدىرۋ