الماتىداعى ش.ءۋاليحانوۆ اتىنداعى الاڭدا فەمينيستىك قوزعالىستاردىڭ ميتينگى بولىپ ءوتتى. بەيبىت جيىننىڭ كۇن تارتىبىنە قازاقستانداعى ايەلدەردى ساياساتقا ارالاستىرۋ ماسەلەسى قويىلدى.

ۇيىمlاستىرۋشىلار و باستا بىلتىرعىداي شەرۋ جاساۋدى جوسپارلاعان، الايدا قالالىق اكىمشىلىك تەك بەيبىت جيىنعا رۇحسات بەرگەن.

الاڭدا 500-دەن اسا ادام بولدى.

ميتينگ قاڭتار وقيعاسى قۇرباندارىنا ارنالعان ءبىر مينۋتتىق ۇنسىزدىكتەن باستالدى. ارى قاراي فەمينيستىك قوزعالىس وكىلدەرى كەزەگىمەن كوز الىپ، قازاقستاندا ساياساتپەن اينالىساتىن ايەلدەر سانىن كوبەيتۋ قاجەتتىگى تۋرالى ايتتى. ايەلدەردىڭ نازىك جاندى ەكەنىن عانا ەمەس، ولاردىڭ مىقتى ەكەنىن دە ۇدايى ۇمىتپاۋعا شاقىردى. قازاقستاندا ايەلدەر ەر ادامدارعا قاراعاندا ءبىر جارىم ميلليونعا كوپ، مەملەكەتتىك قىزمەتكەرلەردىڭ 55 پايىز ايەل ەكەنىنە قاراماستان، سەناتتا 9، ماجىلىستە 28 دەپۋتات قانا وتىرعانىن، 1 عانا ايەل مينيستر مەن ايەل اكىم بارىن سىنادى. ايەلدەردىڭ بيلىكتەگى ازشىلىعىنا بيلىكتەگى ەر ادامداردى، قوعامداعى پاتريالحال تۇسىنىكتەردى ايىپتادى. جينالعاندار مۇنداي جاعدايدى وزگەرتۋ كەرەكتىگىن، قازاقستان قوعامىنان "ايەل اكىم"، "ايەل مينيستر"، "ايەل پرەزيدەنت" كوپتەپ شىعۋى قاجەتتىگىن اتاپ ءوتتى. "ايەل ورنى ساياساتتا"، "ايەل ورنى ەل باسقارۋ ىسىندە" دەپ ۇرانداتتى.

ميتينگتە سونداي-اق ايەلدەردىڭ زەينەت جاسىن 58-گە دەيىن تومەندەتۋ تالابى قويىلدى.

بەلسەندىلەر 2021 جىلى تۇرمىستىق زورلىق-زومبىلىق سالدارىنان 67 ايەل قازا تاپقانىن ايتىپ، تۇرمىستىق قىلمىسقا قارسى ارنايى زاڭ قابىلداۋدى تالاپ ەتتى. قارا تابىتقا "2021 جىلى 67 ايەل سەرىكتەسىنىڭ قولىنان قازا تاپقان" دەپ اق ارىپتەرمەن جازىپ، سيمۆولدىق تۇردە قۇربانداردىڭ ولىگىن شىعارىپ پەرفومانس جاسادى.

ەكى ساعاتقا جالعاسقان ميتينگ سوڭىندا ۋكراينا حالقىن قولداۋ رەتىندە "بەيبىتشىلىك ءۇشىن" فلەشموبى ۇيىمداستىرىلىپ، ءتۇتىندى وت شاشۋلار اتىلدى.