"Save The Children" ۇيىمىنىڭ مالىمەتىنشە، رەسەيدىڭ ۋكرايناعا باسقىنشىلىق سوعىسى باستالعاننان بەرى ۋكراينادان باس ساۋعالاپ قاشقان ەكى ميلليون ادامنىڭ اراسىندا شامامەن 800 مىڭ بالا بار.

اگەنتتىك ولاردىڭ كوپشىلىگى اتا-اناسىز ەكەنىن ەسكەرتتى.

"اتا-انالار بالالارىن قورعاۋ ءۇشىن ەڭ ءۇمىتسىز، جۇرەكتى اۋىرتاتىن شارالارعا جۇگىنەدى. ۋكراينادان تىس جەردەن قاۋىپسىزدىك ىزدەۋ ءۇشىن بالالارىن كورشىلەرىمەن، دوستارىمەن بىرگە جىبەرىپ جاتىر، وزدەرى ۇيلەرىن قورعاۋ ءۇشىن ۇيدە بولادى" دەيدى ۇكىمەتتىك ەمەس ۇيىم وكىلى يرينا ساگويان.

BBC كەشە زاپوروجەدەگى ۇيىنەن ءوز بەتىمەن كەتكەن 11 جاستاعى حاسان تۋرالى حابارلاعان. حاسان ەكى كىشكەنتاي سومكەسىن، ءتولقۇجاتىن جانە تۋىستارىنىڭ تەلەفون ءنومىرىن جازىپ الىپ، پويىزبەن 1200 شاقىرىم جول ءجۇرىپ، سلوۆاكياعا امان-ەسەن جەتكەن. ونىڭ اناسى اجەسىن تاستاپ كەتە الماعاندىقتان ۇيىندە قالعان.