"رەسەي پرەزيدەنتى ۆلاديمير پۋتين ۋكراينا استاناسى كييەۆتى ەكى كۇن ىشىندە باسىپ الۋدى جوسپارلاعان" دەپ حابارلادى اقش ورتالىق بارلاۋ باسقارماسىنىڭ باسشىسى ۋيليام بەرنس.

سەيسەنبى كۇنى كونگرەسس تىڭداۋىندا سويلەگەن بەرنس "مەنىڭ ويىمشا، پۋتين ءقازىر اشۋلى ءارى كوڭىلسىز" دەدى.

ونىڭ پىكىرىنشە، پۋتين ۋكراينانىڭ جاۋىنگەرلىك قابىلەتى مەن جاھاندىق رەاكسياسىن باعالاماعان.

بۇگىندە سوعىس 13-كۇنگە جالعاسىپ، رەسەيلىك كۇشتەر كييەۆ سىرتىندا توقتاپ قالدى.

رەسەي كۇشتەرى ەلدىڭ وڭتۇستىگىندە ايتارلىقتاي ىلگەرىلەۋشىلىككە قول جەتكىزگەنىمەن، ۋكراينانىڭ باسقا ايماقتارىندا ءبىر ورىنلا تۇر.

تۇتقىنعا الىنعان رەسەيلىك ساربازدار ازىق-تۇلىكتىڭ، جانارمايدىڭ جانە جالپى سوعىس جوسپارىنىڭ جوقتىعىنا شاعىمدانادى.

اقش بارلاۋ قوعامداستىعى رەسەي وسى سوعىستا 2 مىڭنان 4 مىڭعا دەيىن ساربازىنان ايرىلعانىن حابارلاپ وتىر.