رەسەيدىڭ بىرىككەن ۇلتتار ۇيىمىنداعى ديپلوماتيالىق وكىلدىگى حالىقارالىق ۇيىمنان "ۋكراينا اقش-تىڭ كومەگىمەن بيولوگيالىق قارۋ جاساپ جاتىر" دەگەن ايىپتاۋلارىن تالقىلاۋ ءۇشىن شۇعىل جيىن وتكىزۋدى سۇرادى.
"رەسەي ميسسياسى اقش-تىڭ ۋكراينا اۋماعىنداعى اسكەري بيولوگيالىق ارەكەتتەرىن تالقىلاۋ ءۇشىن 11 ناۋرىزدا قاۋىپسىزدىك كەڭەسىنىڭ وتىرىسىن وتكىزۋدى سۇرادى" دەپ جازدى رەسەيدىڭ بۇۇ-داعى ەلشىسىنىڭ ورىنباسارى دميتريي پوليانسكيي تۆيتتەردە.
اقش رەسەيدىڭ ۋكرايناداعى جاپپاي قىرىپ-جويۋ قارۋى تۋرالى مالىمدەمەلەرىنە "ماسكەۋ بولاشاقتا سوعىستا حيميالىق قارۋدى قولدانۋ مۇمكىندىگىن اقتاۋ ءۇشىن اڭگىمەنى ويدان شىعارادى" دەپ پىكىر ءبىلدىردى.
بەيسەنبى كۇنى اقش سەناتىنىڭ بارلاۋ كوميتەتىنە كۋالىك بەرگەن سرۋ ديرەكتورى بەرنس رەسەيدىڭ ستراتەگياسىن "جالعان بايانداۋلاردى جاساۋداعى جالعان جالا ارەكەتتەرى" دەپ سيپاتتاعان..
بەيسەنبى كۇنى تاڭەرتەڭ رەسەي قورعانىس مينيسترلىگىنىڭ باسپا ءسوز حاتشىسى يگور كوناشەنكوۆ "اقش ۋكرايناعا بيولوگيالىق قارۋ جاساۋعا جانە رەسەي ارقىلى ۇشاتىن ۆيرۋس تاسىمالداۋشى قۇستاردى قولدانۋعا كومەكتەسىپ جاتىر" دەپ مالىمدەگەن.
پىكىر قالدىرۋ