بىرىككەن ۇلتتار ۇيىمىنىڭ قاۋىپسىزدىك كەڭەسى جۇما كۇنى شۇعىل جيىن وتكىزىپ، رەسەيدىڭ "ۋكرايناداعى بيولوگيالىق قارۋ جاساۋدى اقش قارجىلاندىرادى" دەگەن مالىمدەمەسىن تالقىلايدى.
كەزدەسۋدى رەسەي سۇراپ وتىر. ال باتىس ەلدەرى رەسەيدى "ۋكراينادا بيولوگيالىق جانە حيميالىق قارۋدى بولاشاقتا قولدانۋ مۇمكىندىگىن اقتاۋ ءۇشىن اقپاراتتى ويدان شىعارىپ وتىر" دەپ ايىپتايدى.
بۇعان دەيىن ۋكراينا پرەزيدەنتى كييەۆ بيولوگيالىق قارۋ-جاراق جاساپ جاتقانىن جوققا شىعارىپ، رەسەيدى "ۋكراينانىڭ بەيبىت تۇرعىندارىنا (بيولوگيالىق قارۋ) قولدانۋعا دايىندالىپ جاتىر" دەپ ايىپتاعان.
كەزدەسۋ تۋرالى جاڭالىقتارعا رەاكسيا بىلدىرگەن بۇۇ جانىنداعى اقش ميسسياسىنىڭ وكىلى AP News-كە رەسەي "بۇۇ قاۋىپسىزدىك كەڭەسىن جالعان اقپارات تاراتۋعا ارنالعان ورىن رەتىندە پايدالانۋعا" تىرىسىپ جاتقانىن ايتتى.
پىكىر قالدىرۋ