الەۋمەتتىك جەلىدە ءبىلىم جانە عىلىم ءمينيسترى اسحات ايماعامبەتوۆتىڭ وتستاۆكاسىن تالاپ ەتكەن پەتيسيا قىزۋ تالقىلانىپ جاتىر. 2022 جىلعى 5 اقپاندا جاريالانعان پەتيسياعا بۇگىندە 8244 ادام قول قويعان.

پەتيسيادا اسحات ايماعامبەتوۆتى "ءوز وكىلەتتىكتەرىن ورىنداي المايدى، عىلىمي-پەداگوگيكالىق قوعامداستىق پەن اتا-انالاردىڭ سەنىمىن جوعالتتى، بعم جۇيەسىندە سىبايلاس جەمقورلىق، جۇمىستىڭ قۇلدىراۋى، بيۋروكراتيا، دەرەكتەردى بۇرمالاۋ، ەل باسشىلىعىنان جانە قوعامنان دەرەكتەردى جاسىرۋ ورىن الۋدا" دەپ ايىپتايدى.

الەۋمەتتىك جەلىدە سوڭعى كۇندەرى وسى پەتيسياعا قارسى شىعىپ، اسحات ايماعامبەتوۆ ارى قاراي دا ءبىلىم جانە عىلىم ءمينيسترى بولا بەرۋىن قالايتىندارىن جەتكىزۋشىلەر كوبەيە ءتۇستى. وسى ورايدا قامشى پورتالى وقىرماندارى اراسىندا ساۋالناما جۇرگىزىپ، مينيستر جۇمىسىن باعالاۋدى سۇرايدى.