جۇڭگو رەسەيدىڭ ۋكرايناعا باسىپ كىرۋىنە كومەكتەسەتىن بولسا، اۋىر "سالدارعا" تاپ بولادى. بۇل تۋرالى Reuters اقپارات اگەنتتىگى اق ۇيگە سىلتەمە جاساپ حابارلادى.
ەسكەرتۋ دۇيسەنبى كۇنى ريمدە اقش پەن قىتايدىڭ جوعارى لاۋازىمدى تۇلعالارىنىڭ كەزدەسۋى قارساڭىندا ايتىلعان.
اقش-تىڭ ۇلتتىق قاۋىپسىزدىك جونىندەگى كەڭەسشىسى دجەيك سالليۆان دۇيسەنبى كۇنى ريمدە قىتايلىق ديپلومات يان سزەچيمەن كەزدەسكەن.
داعدارىس باستالعاننان بەرى بەيجىڭ ۇزاق ۋاقىت وداقتاسى ماسكەۋگە كۇشتى ريتوريكالىق قولداۋ بىلدىرگەن، ءبىراق اسكەري نەمەسە ەكونوميكالىق قولداۋ كورسەتكەنى كوپشىلىككە بەلگىلى ەمەس.
امەريكالىق ب ا ق اقش شەنەۋنىكتەرىنەگە سىلتەمە جاساي وتىرىپ، رەسەي سوڭعى كۇندەرى قىتايدان اسكەري تەحنيكا، سونىڭ ىشىندە ۇشقىشسىز ۇشاقتار سۇراعانىن ايتادى. قىتايدىڭ بۇل سۇراۋعا جاۋابى بەلگىسىز.
