پرەزيدەنت ق.توقايەۆ ءداستۇرلى جولداۋى بارىسىندا ءماجىلىستى جاساقتاۋ جۇيەسىنە وزگەرىس ەنگىزىلەتىنىن ايتتى.

پرەزيدەنت ەندىگىدە ءماجىلىستىڭ 70 پايىزى پروپورسيونالدىق ياعني پارتيالىق جۇيە بويىنشا، 30 پايىزى ماجوريتارلىق جۇيە (ءوزىن-وزى ۇسىنۋ) بويىنشا جاساقتالاتىنىن مالىمدەدى.

سونداي-اق ول پارتيالاردى تىركەۋ پروسەدۋراسى جەڭىلدەيتىنىن، تىركەۋ تابالدىرىعى 4 ەسەگە 20 مىڭ ادامنان، 5 مىڭ ادامعا دەيىن تومەندەتىلەتىنىن ايتتى.

ايماقتىق وكىلدىكتەردىڭ سانى 600-دەن 200 ادامعا، باستاماشىل توپ وكىلدەرى 1000 الامنان 700 ادامعا دەيىن تومەندەتىلەدى.

بۇدان بولەك توقايەۆ پرەزيدەنتتىڭ پارتياعا مۇشە بولۋىنا زاڭ جۇزىندە تىيىم سالۋ، ورتالىق سايلاۋ كوميسسياسى ءتوراعاسى مەن مۇشەلەرىن، ەسەپ كوميتەتى، كونستيتۋسيالىق كەڭەس مۇشەلەرىن پارتيا قۇرامىنان شىعارۋ، اكىمدەرگە پارتيا فيليالدارىن باسقارۋعا تىيىم سالۋ، پرەزيدەنتتىڭ جاقىن تۋىستارىنا ساياسي لاۋازىمدار مەن كۆازيمەملەكەتتىك قۇرىلىمداردى باسقارۋعا تىيىم سالۋ ۇسىنىستارىن كوتەردى.