"Adal پارتياسىنىڭ بۇگىنگى كۇنگە دەيىنگى تىڭ يدەيالارى مەن زاماناۋي تەحنولوگيالىق كوزقاراستارى پرەزيدەنتىمىزگە سالماقتى قولداۋ بولا الادى دەپ ەسەپتەيمىز. كەز كەلگەن وزگەرىستە سابىرلى قالپىمەن سالماقتى شەشىم قابىلدايتىن قاسىم-جومارت توقايەۆتىڭ جۇمىس ءستيلى بىزگە ۇنايدى. ول ءقازىر ادىلەتتى مەملەكەت قۇرۋدى كوزدەپ وتىر. مەملەكەت باسشىسىنىڭ بۇگىنگى قازاقستان حالقىنا جولداۋى اياسىندا ايتقان ساياسي رەفورمالارى سونىڭ تاعى ءبىر دالەلى. ءبىراق بۇل ايتىلعان رەفورمالار قالاي جۇزەگە اسىرىلادى؟ ماسەلە وسىندا. ول ءۇشىن بۇكىل قازاق قوعامى بىرىگۋى قاجەت. پرەزيدەنت رەفورمالارىنىڭ جەرگىلىكتە جەردە ءتيىستى دەڭگەيدە ىسكە اسىرىلماي قالۋ ءقاۋىپى جوعارى. قاسىم-جومارت كەمەل ۇلى ايتقان «دوستارعا – ءبارىن، قالعانىنا زاڭ بويىنشا» دەگەن قاعيدامەن كەلگەن قوعامنىڭ وتكەنىن ۇمىتپاۋىمىز كەرەك. سول ءۇشىن، ءبىز، ادالدىقتار جاڭا قازاقستاندى قۇرۋعا بەلسەندى قاتىسىپ، ەلىمىزدەگى وڭ وزگەرىسكە ۇلەس قوسقىمىز كەلەدى. پارتيالاستارىمىزبەن اقىلداسا كەلە، بۇگىن Adal-دىڭ ساياسي كەڭەسىندە پرەزيدەنتتىك Amanat پارتياسىنا قوسىلۋ تۋرالى ءبىراۋىزدان شەشىم قابىلدادىق" دەيدى ادالدىقتار.

"ادال" 2020 جىلعى قاراشادا اتاۋى وزگەرگەن بۇرىنعى "بىرلىك" پارتياسى. 2013 جىلى تىركەلگەن. ەلدەگى رەسمي تىركەلگەن 6 پارتيانىڭ ءبىرى. پارتيا مۇشەلەرى "رەبرەندينگ" سەبەبىن "ادىلدىكتى تالاپ ەتۋشىلەر كوبەيدى" دەپ تۇسىندىرگەن. پارتيا سوڭعى پارلامەنت سايلاۋى قارساڭىندا قاتارىنا جۋرناليست ماقسات تولىقباي، بلوگەر، قارجى سالاسىنىڭ مامانى داۋلەت مۇقايەۆ سياقتى ەسىمى بەلگىلى جاڭا ادامدار قوسىپ، ۇگىت-ناسيحات جۇمىستارىن بەلسەندى جۇرگىزگەن. الايدا سايلاۋدا 7 پايىز داۋىس جيناي الماي، پارلامەنتكە وتە الماعان. سايلاۋدان كەيىن پارتيا بەلسەندىلىگىن باسەڭدەتىپ، سوڭعى ۋاقىتتا مۇلدە كورىنبەي كەتكەن.