الماتىداعى اۋا رايىنىڭ قۇبىلۋىنا بايلانىستى 19 ناۋرىزعا جوسپارلانعان قالالىق سەنبىلىك كەيىنگە شەگەرىلدى.
"وكىنىشكە قاراي، اۋا رايىنىڭ قولايسىزدىعىنا بايلانىستى 19 ناۋرىزعا جوسپارلانعان سەنبىلىكتى اۋىستىرۋعا ءماجبۇرمىز. سينوپتيكتەردىڭ سوڭعى مالىمەتتەرى بويىنشا، ءدال سول كۇنى اۋا تەمپەراتۋراسى تومەندەيدى جانە قار ارالاس جاڭبىر جاۋادى دەپ كۇتىلۋدە.
سەنبىلىكتى اۋىستىرۋعا تۇسىنىستىكپەن قاراۋدى سۇرايمىز. اۋا رايى قالپىنا كەلگەن سوڭ ءبىز ءبارىمىزبىرگە سۇيىكتى قالامىزدىڭ اۋلالارىن، ساياباقتارىن جانە سكۆەرلەرىن تازالاۋعا شىعامىز.
ءبىز اۋا رايى بولجامىن قاداعالايتىن بولامىز جانە سەنبىلىك وتەتىن كۇن مەن ۋاقىتىن مىندەتتى تۇردە حابارلايمىز" دەلىنگەن حابارلامادا.
قازگيدرومەت 17-19 ناۋرىز ارالىعىندا ەلدىڭ وڭتۇستىك جارتىسىنا وڭتۇستىك سيكلون جانە ونىمەن بايلانىستى اتموسفەرالىق فرونتتار اسەر ەتەتىنىن، سوعان بايلانىستى جاۋىن-شاشىن، كەيدە قار ارالاس جاڭبىر مول ءتۇسىپ، كوكتايعاق بولۋى مۇمكىن ەكەنىن مالىمدەگەن.
پىكىر قالدىرۋ