ۆلاديمير زەلەنسكييدىڭ سوزىنشە، ماريۋپولدە رەسەيلىك اسكەرمەن قاتار ۋكراينالىق اسكەر دە بار. ولار قالانىڭ ءار بولىگىن باقىلاۋىندا ۇستاپ وتىر. پرەزيدەنت ۋكراينالىق اسكەريلەردى ءومىرىن ساقتاپ قالۋ ءۇشىن قالادان شىعۋعا شاقىرعانىن، ءبىراق ولار باس تارتقانىن اتاپ ءوتتى.
– ولار جارالىلار مەن قازا تاپقانداردى تاستاپ كەتپەيتىنىن ايتتى. قالا كوشەلەرىندە، تراتۋارلاردا رەسەيلىك جاۋىنگەرلەر مەن ۋكراين ازاماتتارىنىڭ مۇردەلەرى شاشىلىپ جاتىر. ولاردى تازالاپ جاتقان ەشكىم جوق. ءبىزدىڭ اسكەر مەرت بولعان مايدانداستارىن تاستاپ كەتۋگە دايىن ەمەس. قالادان شىعىپ، قارۋلاستارىن قوقىستى كومگەندەي كومە سالۋعا دايىن ەمەس. ءبىز رەسەيلىك تاراپتان مايىتتەردى الىپ شىعۋعا مۇمكىندىك بەرۋىن سۇرادىق. ولار مۇمكىندىك بەرمەدى، – دەگەن ول ماريۋپول، ۆولنوۆاحا مەن كييەۆتىڭ اينالاسىنداعى شاعىن قالالار جەرمەن جەكسەن بولعانىن، ەندى ولار جوق ەكەنىن ايتتى.
قيراندىعا اينالعان ءماريۋپولدىڭ قازىرگى كورىنىسى وسىنداي.
پىكىر قالدىرۋ