ەلوردادا «ءبىلىم-يننوۆاسيا» حقق جانە «ءبىلىم وردا» حقق-نىڭ ۇيىمداستىرۋىمەن Q (قۇندىلىق) talks ءوتتى.
ۇنەمى ىزدەنىس پەن ۇزدىكسىز شىڭدالۋدىڭ ناتيجەسى ءاماندا جەمىستى بولارىنا سەنىمدى ۇستازدار مەن «ءبىلىم-يننوۆاسيا» حقق جانە «ءبىلىم وردا» حقق-عا قاراستى مەمەمەلەر قىزمەت ەتەتىن وزگە دە ماماندىق يەلەرى باس قوسقان جيىندا بالا بويىنا قۇندىلىقتاردى ءسىڭىرۋدىڭ باستى قاعيدالارى ايتىلدى. ساحنا تورىندە ءسوز العان ءوز سالاسىنىڭ ۇزدىكتەرى، ونىڭ ىشىندە بالاباقشا تاربيەشىسى، مەكتەپ ديرەكتورلارى، ۇستازدار، كىتاپحاناشىلار مەن قاراپايىم ەدەن جۋۋشىعا دەيىن بالا بويىنا قۇندىلىقتى ءسىڭىرۋدىڭ باستى قاعيداسى – ءوز ىس-ارەكەتىمەن ۇلگى بولۋ ەكەنىن ايتىپ ءوتتى.
ماسەلەن، نۇر-سۇلتان قالاسىنداعى «نۇروردا» حالىقارالىق مەكتەپ-ليسەيىنىڭ ەدەن جۋۋشىسى «مەكتەپتى تازالاپ جۇرگەندە ءوز ويىمدى دا «تازالاپ» ءجۇرەءمىن، سەبەبى تازالىققا جاقسىلىق قۇمار بولادى» دەگەن قاعيدانى ۇستاناتىنىن جەتكىزءدى. ال وسكەمەننەن كەلگەن كىتاپحاناشى «ۇلتتىڭ قۇندىلىعى – كىتاپتا، ماسەلەن، ەش شەتەل ادەبيەتىنەن كەم تۇسپەيتىن باۋىرجان مومىش ۇلىنىڭ كىتابى – تۇتاس ءومىر مەكتەبى ەكەنىن دالەلدەپ بەردى» دەگەن وي ايتتى.
سونىمەن قاتار «بالا ارمانىنا قۇلاق اسۋ ونىڭ ءۇمىتءىن العا جەتەلەيتىنىن، ءار وقۋشىنى تىڭداي ءبىلۋ دە ۇستازدىڭ قىراعىلىعىن كورسەتەدى» دەگەن سپيكەر شەتەلدى ونەرىمەن تاڭداي قاقتىرعان وقۋشىسىن ساحنا تورىنە شىعارىپ،كوپشىلىكءتىڭ قوشەمەتىنە بولەندى. ال اتىراۋ ەر بالالارعا ارنالعان «ءبىلىم-يننوۆاسيا» ليسەيىنىڭ ۇستازى اتا-انامەن دۇرىس قارىم-قاتىناس ورناتۋدىڭ كىلتىن ءوز قولىمەن اس ازىرلەۋ ارقىلى تاپقانىن ايتتى. سونىڭ ناتيجەسىندە ەشقاشان اس بولمەگە كىرىپ كورمەگەن وقۋشى اناسىنا اس ازىرلەپ، قاتتى تاڭعالدىرعان.
سونداي-اق ۇلتى ورىس وقۋشى بالانىڭ دومبىرامەن ءان شىرقاپ، قازاق تىلىندە پىكىرىن ۇعىنىقتى جەتكىزۋى كوپشىلىكتى ءتانتى ەتتى. Q talks-قا قاتىسقان مەيماندار جوباعا ساتتىلىك تىلەپ، شارانىڭ بارلىق مەكتەپتە جالعاسىن تابۋىنا تىلەك ءبىلدىردى.
«بۇگىنگى Q Talks-قا قاتىسۋشىلار ءارتۇرلى جاستاعى جانە ءارءتۇرلى جۇكتەمەدە جۇمىس ىستەيتىن سپيكەرلەر بولدى. ولار – مەكتەپ باسشىسى، ءمۇعالىمى، ءبىلىم الۋشىسى، مەكتەپتىڭ كىشى قىزمەتكەرى جانە كىتاپحاناشىسى، ءتىپتى مەكتەپ تۇلەگى دە بار. ءارقايسىسى ءتۇرلى تاقىرىپتا وي قوزعاپ ءوز تاجىريبەلەرىن ءبولىستى. ايتسە دە بۇكىلىنىڭ پىكىرى نەگىزگى ءبىر ويدا ءتۇيىستى. ول – ادامنىڭ ادامگەرشىلىك قاسيەتىن العا تارتۋ جانە ادامي قۇندىلىقتاردىڭ ناتيجەسىندە قول جەتكىزگەن جەتىستىكتەرى. بارلىعى بولاشاق ۇرپاقتىڭ تاربيەسىندە ەڭ ماڭىزدىسى ءون بويىنا تۇيگەن ادامگەرشىلىك قاسيەتتەر ەكەنىن ۇقتىردى.وسى Q Talks جوباسى ارقىلى ءمۇعالىم مەن وقۋشىنىڭ، باسشى مەن قىزمەتكەردىڭ ۇيىعان ايرانداي ءبىر شاڭىراق استىندا ىنتىماقتاسا جۇمىس ىستەۋگە بولاتىنىنا كۋاگەر بولدىق. ەندەشە Q Talks بۇگىنگە دەيىن بولماعان بالاماسى جوق ەرەكشە جوبا ەكەنىن ناقتى ايتا الامىز»، – دەدى «ءبىلىم-يننوۆاسيا» حقق تاربيە ءبولىمىنىڭ باس مامانى دۋمان دانيار ۇلى.
«مەن قازاق ءتىلىن بالاباقشادان باستاپ ۇيرەنە باستادىم جانە قازاق مەكتەبىنە باردىم. بۇعان سەبەپ مەنىڭ ءتىل ۇيرەنۋگە دەگەن قىزىعۋشىلىعىمدى اتا-انام ەرتە جاستا بايقاپ، ۇنەمى قولداۋ كورسەتىپ كەلەدى. مەن ءوز ويىمدى قازاق تىلىندە ەركىن جەتكىزە الامىن، سونىمەن قاتار قازاق حالقىنىڭ ۇلتتىق اسپابى دومبىرادا ويناعاندى ۇناتامىن. دومبىرامەن بىرنەشە كۇي تارتا الامىن جانە بىرنەشە قازاق ءانءىن ورىنداپ ءجۇرمىن. سونىمەن قاتار، التاي تىلىندەگى ولەڭدەردى دە دومبىرامەن ايتىپ بەرەمىن. مەنىڭ بالا كەزدەن ارمانىم – ۇشقىش بولۋ. ۇشقىش بولۋ ءۇشىن قازىردەن بىرنەشە تىلدەردى اسىرەسە اعىلشىن ءتىلىن جانە ماتەماتيكا ساباعىن جەتىلدىرىپ كەلەمىن»، – دەدى NURORDA مەكتەپ-ليسەيىنىڭ 6 ۆ سىنىپ وقۋشىسى زاحار پالاتكين.
«مەنى اتا-انام ءۇش-تورت جاس شاماسىندا ۇلكەن دۇكەنگە اپارعان كەزدە ءبىر اۋەن ەرەكشە ۇناپ، ەسىمدە ساقتالىپ قالدى. كەيىن ول تۋرالى ۇمىتىپ كەتتىم. سودان باستاۋىش سىنىبىندا وقىپ جۇرگەن كەزىمدە جاڭا جىل قارساڭىندا ءبىر اۋەندى ەستىپ، الگى داۋىس ەرەكشە نازارىمدى اۋداردى. بۇل سول باياعى ەستىگەن اۋەندەگى ءانشىنىڭ داۋسى ەدى. ەستي سالا بۇل قانداي ولەڭ، قاي ءانشى دەپ ينتەرنەتتەن ىزدەستىرە باستادىم. سول ساتتەن باستاپ مەن دجاز ولەڭدەرىنە ەرەكشە قىزىعۋشىلىق تانىتىپ كەلەم. ءقازىر دجاز ولەڭدەرىنىڭ ءتۇر-تۇرىن بىلەم، ءوزىم ايتا الماسام دا تىڭداعاندى ۇناتامىن. بۇل مەنىڭ حوببيىمە اينالدى. قازىرگى تاڭدا بۇل ءحوببيىم مەنىڭ جەكە دامۋىما، ساباق ورىنداۋىما، جوسپار قۇرۋىما كوپ كومەگىن تيگىزۋدە»، – دەدى NURORDA مەكتەپ-ليسەيىنىڭ 6 ۆ سىنىپ وقۋشىسى يسكاندەر كاراشۋككەيەۆ.
ايتا كەتسەك، Q Talks جوباسى – قۇندىلىقتارعا نەگىزدەلگەن ءبىلىم بەرۋ اياسىندا جۇرگىزىلىپ جاتقان ted talksفورماتىنداعى جوبا. Ted talks-تان ايىرماشىلىعى، سپيكەرلەر جەكە تاجىريبەسىن، جەكە باسىنان وتكەن وقيعاسىن نەمەسە ومىردەگى تۇيگەن ويلارىن بولىسەدى.
Q Talks جوباسىنىڭ ماقساتى – قۇندىلىقتارعا نەگىزدەلگەن ءبىلىم بەرۋ جوباسىن دامىتۋ، سونداي-اق بءىلىم جانە تاربيە بەرۋدە تىڭ يدەيالار مەن جاڭاشىلدىقتى ەنگىزۋ. Q Talks جوباسى العاش 2020-2021 وقۋ جىلىندا باستاپ ءار توقساندا بيل وقۋشىلارى اراسىندا وتەدى. Q Talks جوباسىندا بۇعاندەيىن دە «بەيرەسمي قاتىناستىڭ جەتىستىگى»، «ءبىر ءومىردىڭ حيكاياسى»، «جاۋلاپ العىش شىعارمالار»، «قۇندىلىقتى قالاي ىزدەپ تاپتىق»، «شىنايى ىشتەن شىققان العىس»، «ءارەكەتكە بەرەكەت»، «ادامگەرشىلىك كاسىپكە قاراي تاڭدالمايدى»، «جاستاي بەرگەن تاربيە جاس شىبىقتى يگەندەي» اتتى تاقىرىپتارمەن وزەكتى ءماسەلەلەر قوزعالعان بولاتىن.
Q Talks جوباسىنا مەكتەپ باسشىسى، مۇعالىمدەر، تاربيەشىلەر، ديرەكتور ورىنباسارلارى، مەكتەپتىڭ پەداگوگ ەمەس قىزمەتكەرلەرى، اتا-انالار، تۇلەكتەر مەن وقۋشىلارى،ءتىپتى مەكتەپتەگى تاربيە مەن وقۋعا تۋرا ءجانە جاناما قاتىسى بار كەز كەلگەن تۇلعا سپيكەر رەتىندە قاتىسا الادى.
