رەسەيدىڭ نوبەل سىيلىعىن العان سوڭعى تاۋەلسىز باسىلىمى "نوۆايا گازەتا" رەسەيدىڭ ۋكرايناعا باسقىنشىلىعى اياقتالعانشا ءوزىنىڭ ينتەرنەتتەگى جانە باسپاسوزدەگى قىزمەتىن توقتاتاتىنىن حابارلادى.
گازەت بۇگىن رەسەيدىڭ مەملەكەتتىك بايلانىس باقىلاۋ ورگانى روسكومنادزوردان ەكىنشى ەسكەرتۋ العانىن ءمالىم ەتتى.
باسىلىم 22 ناۋرىزدا العاشقى ەسكەرتۋ الىپ، سول كۇنى ونىڭ باس رەداكتورى دميتريي مۇراتوۆ ءوزىنىڭ نوبەل بەيبىتشىلىك سىيلىعىنىڭ مەدالىن ۋكراين بوسقىندارىنا اقشا جيناۋ ءۇشىن اۋكسيونعا قويعانىن ايتقان.
روسكومنادزوردىڭ ەكى ەسكەرتۋى باسىلىمدى رەسەيدەگى ليسەنزياسىنان ايىرۋى مۇمكىن.
"نوۆايا گازەتا" كەشە ۋكراينا پرەزيدەنتى ۆلاديمير زەلەنسكييدىڭ رەسەيلىك باق-قا بەرگەن سۇحباتىنا قاتىستى، ءبىراق ماتەريالدى جاريالامادى.
رەسەي ب ا ق وكىلدەرى ونى جاريالاعان جاعدايدا ونىڭ سالدارى بولۋى مۇمكىن ەكەنىن ەسكەرتتى.
رەسەيدەگى جۋرناليستەر ماسكەۋ كييەۆكە باسىپ كىرگەلى بيلىك تاراپىنان بۇرىن-سوڭدى بولماعان قىسىمعا ۇشىراپ جاتىر.
پىكىر قالدىرۋ