ۋكراينا پرەزيدەنتى ۆلاديمير زەلەنسكيي رەسەي كۇشتەرى وزدەرىنىڭ اسكەري قىلمىستارىنىڭ ءىزىن جاسىرۋعا تىرىسىپ جاتىر دەپ مالىمدەدى. بۇل تۋرالى Financial Times باسىلىمى حابارلادى.
زەلەنسكيي كييەۆكە جاقىن بۋچا قالاسىندا رەسەي كۇشتەرى ءۇش جۇزدەن استام ادامدى ءولتىرىپ، ازاپتاعانىن ايتتى.
ول بىرىككەن ۇلتتار ۇيىمىنىڭ قاۋىپسىزدىك كەڭەسىندە الماتى ۋاقىتىمەن كەشكى سەگىزدە ءسوز سويلەيدى، سول كەزدە قوسىمشا دالەلدەر كەلدىرەدى دەپ حابارلاندى.
بۋچا كوشەلەرىندەگى ولگەن بەيبىت تۇرعىنداردىڭ ادام شوشىتارلىق سۋرەتتەرى جاريالانعاننان كەيىن رەسەي حالىقارالىق ايىپتاۋعا ۇشىراعان.
اقش پرەزيدەنتى بايدەن ءپۋتيندى "اسكەري قىلمىسكەر" دەپ اتادى جانە "ول وقيعالارعا بايلانىستى سوتقا تارتىلۋى كەرەك" دەيدى.
رەسەي بارلىق ايىپتاۋلاردى جوققا شىعارادى جانە ەشقانداي دالەل كەلتىرمەستەن، ۆيدەولار فەيك دەپ مالىمدەدى.
