ماسكەۋلىك دەمونسترانت رەسەي اسكەرىنىڭ شابۋىلىنان قازا تاۋىپ، ءمايىتى كومىلۋسىز كوشەدە شاشىلىپ جاتقان ۋكراينانىڭ بۋچا قالاسىنداعى قۇرباندارعا قۇرمەت رەتىندە ارتقا بايلاۋلى قولىمەن جەردە جاتىپ نارازىلىق اكسياسىن جاسادى.
دەمونسترانت قولىن ارتىنا بايلانعان كۇيىندە جەردە ەتبەتىمەن جاتىپ سۋرەتكە تۇسكەن. نارازىلىق ءبىلدىرۋشىنىڭ فوتولارى رەسەي استاناسىنىڭ ءار جەرىندە، سونىڭ ىشىندە قالاداعى قۇتقارۋشى حريستوس سوبورىنىڭ جانىنداعى كوپىردە تۇسىرىلگەن.
سۋرەتتەردى رەسەيدىڭ تاۋەلسىز Holod.media سايتى تاراتتى. سايت قىزمەتكەرلەرى رەسەيدەن قاشىپ كەتكەن ءارى رەسەي بيلىگىنىڭ نىساناسىنا ءجيى ۇشىراعان. ءبىراق باسقا باسىلىمدار سياقتى ءالى بۇعاتتالعان جوق.
رەسەي ىسكەرى ۋكراينانىڭ بۋچا قالاسىندا قاندى قىرعىن جاساعاننان كەيىن قالا كوشەلەرىنىڭ ءار جارىندە ءولىپ جاتقان ادامداردىڭ ايانىشتى سۋرەتتەرى تاراعان. ولاردىڭ كەيبىرەۋلەرىنىڭ قولدارى بايلانعان. وقيعاعا بايلانىستى سوڭعى كۇندەرى رەسەيگە قاتىستى حالىقارالىق ايىپتاۋلار كوبەيدى.
پىكىر قالدىرۋ