الماتى اكىمدىگى تۇرعىنداردى 9 ساۋىردە Birge – taza Qazaqstan رەسپۋبليكالىق اكسياسى اياسىندا وتەتىن جالپىقالالىق سەنبىلىككە قاتىسۋعا شاقىرادى. ۋاقىتى: ساعات 9.00-دەن 12.00-گە دەيىن. سەنبىلىككە كوممۋنالدىق قىزمەتتەردىڭ 2000-نان استام قىزمەتكەرى مەن 400-دەن استام ارنايى تەحنيكا شىعادى.

قىسقى كەزەڭنەن كەيىن قالا اۋماعىن، رەكرەاسيالىق ايماقتاردى، ساياباقتاردى، سكۆەرلەردى، اۋلالاردى، سونداي-اق ساۋدا وبەكتىلەرىنە، قوعامدىق تاماقتانۋ ورىندارىنا جانە باسقا دا ۇيىمدارعا ىرگەلەس اۋماقتاردى تازارتۋ جوسپارلانۋدا. جاپپاي اعاش وتىرعىزۋ دا جوسپارلانعان.

بارلىق مەنشىك تۇرىندەگى ۇيىمداردىڭ، سونىڭ ىشىندە جيب، پيك باسشىلارىنىڭ قاجەت بولعان جاعدايدا سەنبىلىككە قاتىسۋشىلاردى ىرگەلەس اۋماقتار مەن اۋلالاردا قوقىس جيناۋعا ارنالعان قۇرالدارمەن، قولعاپتارمەن، قاپتارمەن قامتاماسىز ەتۋىن سۇرايمىز.

قوقىس سالىنعان قاپتاردى جول جيەگىنە قويۋ ۇسىنىلادى. ولاردى قالانىڭ كوممۋنالدىق قىزمەتتەرى الىپ كەتەدى.

قالا اۋداندارى بويىنشا سەنبىلىك وتەتىن ورىندار:

1) الاتاۋ اۋدانىنداعى «سوسنوۆىي بور» ەكوپاركىندە جاپپاي اعاش وتىرعىزۋ جانە ىرگەلەس جاسىل ايماقتارداعى اۋماقتى جيناۋ جوسپارلانعان.

2) المالى اۋدانىندا سەنبىلىكتى سايران كولىنىڭ شىعىس جاعالاۋىندا جاپپاي وتكىزۋ جوسپارلانعان.

3) اۋەزوۆ اۋدانىندا – سايران كولى مەن ۇلكەن الماتى وزەنىنىڭ باتىس جاعالاۋىندا جاندوسوۆ كوشەسىنىڭ وڭتۇستىگىندە. 

4) بوستاندىق اۋدانىندا – اباي داڭعىلىنىڭ ءبولۋ جولاعى بويىنشا.

5) جەتىسۋ اۋدانىندا - د. قونايەۆ اتىنداعى ۇلكەن الماتى كانالىنىڭ بويىندا.

6) مەدەۋ اۋدانىندا – «ۆوستوچكا» تك ارتىنداعى كازاچكا وزەنىنىڭ، د.قونايەۆ اتىنداعى ۇلكەن الماتى كانالىنىڭ بويىندا، شااج-نان ديۆايەۆ كوشەسى بويىمەن «تاۋلى قىرات» كەنتىنە دەيىن.

7)  ناۋرىزباي اۋدانىندا – قارعالى وزەنى اۋماعىنداعى اباي داڭعىلى جانە بايباق باتىر كوشەسىنىڭ سولتۇستىگىندەگى قارعالى وزەنىنىڭ اينالاسى.

8) تۇركسىب اۋدانىندا – پەتروزاۆودسكايا جانە مايلين كوشەلەرىندەگى جىرالاردىڭ بويى.