ماريا ۆورونسوۆا مەديسينا عىلىمدارىنىڭ كانديداتى. 2017 جىلى ديسسەرتاسيا قورعاعان. ءۆۆس-دىڭ ورىس قىزمەتى انىقتاعانداي، ول رەسەيدەگى دەنساۋلىق ساقتاۋ سالاسىنداعى ءىرى جەكە ينۆەستيسيالىق جوبالاردى ۇيىمداستىرۋعا قاتىساتىن "نومەكو" كومپانياسى يەلەرىنىڭ ءبىرى. ۆۆس-گە ءپۋتيننىڭ وتباسىنا جاقىن ادام ۆورونسوۆا رەسەي پرەزيدەنتىنىڭ ۇلكەن قىزى ەكەنىن ايتقان.
اقش-تىڭ قارجى مينيسترلىگى ۆورونسوۆا كرەمل گەنەتيكالىق زەرتتەۋلەر ءۇشىن ميللياردتاعان دوللار باعىتتاعان مەملەكەت قارجىلاندىراتىن باعدارلامالارعا جەتەكشىلىك ەتەتىنى، باعدارلاما تىكەلەي پۋتينگە قارايتىنى تۋرالى حابارلاعان.
ءپۋتيننىڭ كىشى قىزى "ۇلتتىق ينتەلەكتۋالدىق دامۋ" قورىنىڭ ديرەكتورى – كاتەرينا تيحونوۆا. بۇل تۋرالى Reuters جانە Bloomberg اگەنتتىكتەرى 2015 جىلى جازعان. ءۆۆس-دىڭ بىرنەشە دەرەككوزى دە اقپاراتتى راستاعان.
سونداي-اق اقش قارجى مينيسترلىگىنىڭ 2018 جىلعى 6 ساۋىردەگى باسپا ءسوز رەليزىندە تيحونوۆا ءپۋتيننىڭ قىزى رەتىندە ايتىلادى.
پۋتين تيحونوۆا قىزى ەكەنىن ەشقاشان راستاماعان، ءبىراق تەرىستەمەدى دە. 2019 جىلعى جەلتوقساندا جىل سايىنعى پرەسس-كونفەرەنسيادا ۆۆس كوررەسپوندەنتى فاريدا رۋستاموۆا پۋتينگە ونىڭ قىزدارى تۋرالى سۇراق قويعانىندا ول ساۋالعا تۋرا، ناقتى جاۋاپ بەرمەگەن.
اقش ۇكىمەتى تيحونوۆا رەسەي ۇكىمەتىنە ءارى قورعانىس يندۋسترياسىنا كومەكتەسەتىن حاي-تەك كومپانياعا يەلىك ەتەدى دەيدى.
پىكىر قالدىرۋ