Mudarabah Capital قارجى پيراميداسىنىڭ سالىمشىسى باعيلا دوسمايىلوۆانىڭ ءوزىن ورتەۋ دەرەگىنە بايلانىستى قىلمىستىق كودەكستىڭ 105-بابى (وزىنە قول سالۋعا دەيىن جەتكىزۋ) بويىنشا تەرگەۋ ءجۇرىپ جاتىر، دەپ جازادى كازتاگ سايتى.
"11 ءساۋىر ساعات 16.38-دە "102" نومەرىنە ق ر ءىىم عيماراتىنىڭ ماڭىندى ايەل ءوزىن ورتەگەلى تۇرعانى تۋرالى اقپارات كەلىپ ءتۇستى. وقيعا ورنىنا پوليسيا قىزمەتكەرلەرى مەن "الماتى" اۋدانى اكىمشىلىگىنىڭ ادامداردى كەلدى. نارازى ازاماتتار الماتىداعى قىلمىستىق ىسكە بايلانىستى شارا قولدانىلماسا، وزدەرىن ورتەيتىنىن ايتىپ سەس كورسەتتى. پوليسيانىڭ تۇسىندىرۋىنە قاراماستان، ۇيىمداستىرۋشىلاردىڭ ءبىرى ۇستىنە سۇيىق زات قۇيىپ ۇلگەردى. سول ساتتە ۋچاسكەلىك پوليسەي ونىڭ قولىنان ۇستاپ، وتتىعىن الىپ قويۋعا تىرىستى. لەزدە تۇتانعان وت بىردەن ءوشىرىلدى. زارداپ شەگۋشىگە العاشقى كومەك كورسەتىلىپ، اۋرۋحاناعا جاتقىزىلدى. پوليسەيدىڭ قولى كۇيىپ، ول دا جاراقات الدى" دەلىنگەن اقپاراتتىق حابارلامادا.
ءوزىن ورتەگەن سالىمشى دوسمايىلوۆانىڭ اۋلەتى قارجى پيراميداسىنا 20 ميلليون تەڭگە سالىپ جىبەرگەنى بەلگىلى بولدى.
ول بۇعان دەيىن بەلگىلى ۆاينەر مەيىرجان تورەبايەۆتىڭ جارناماسىنا سەنگەندىكتەن پيراميداعا قارجى سالعانىن، ارتىنشا الدانىپ قالعانىن جەتكىزىپ، ۆاينەردى سوتتاۋدى تالاپ ەتكەن.
پوسموترەت ەتۋ پۋبليكاسيۋ ۆ Instagram
سونداي-اق ول الماتى قالاسى پوليسيا دەپارتامەنتى باسشىسىنىڭ ورىنباسارى رۋستام ءابدىراحمانوۆتى ءىس ىشكى ىستەر مينيسترلىگىنە كەتىپ قالماس ءۇشىن ءىستى جابۋعا اسىعىپ وتىر دەپ ايىپتاپ، ونى ولىمىنە كىنالايتىنى تۋرالى جازعان.
پوسموترەت ەتۋ پۋبليكاسيۋ ۆ Instagram
رۋستام ءابدىراحمانوۆ جابىرلەۋشىنىڭ جازباسىنا پىكىر ءبىلدىرىپ، قازىرگى ۋاقىتتا قىلمىستىق ءىس اياسىندا 14 ادام تەرگەلىپ جاتقانىن، ءىس جۋىق ارادا سوتقا جونەلتىلەتىنىن، ماتەريالدىق شىعىندى وتەۋ بويىنشا شەشىمدى سوت شىعاراتىنىن ءمالىم ەتتى.
پوسموترەت ەتۋ پۋبليكاسيۋ ۆ Instagram
بۇعان دەيىن قازاقستاندىق ءۇش ۆاينەر: مەيىرجان تورەبايەۆ، مەيىرجان شەرنيازوۆ، ازيمجان سايدبايەۆ Mudarabah Capital قارجى پيراميداسىن قۇردى جانە وعان باسشىلىق ەتتى دەپ ايىپتالىپ وتىرعانى حابارلانعان. تورەبايەۆ پەن شەرنيازوۆ 1000 اەك مولشەرىندە (3 063 000 تەنگە) كەپىل وتەپ، بوساتىلسا، سايدبايەۆقا ىزدەۋ جاريالانعان.
ءوزىن ورتەۋ دەرەگىنە بايلانىستى مەيىرجان تورەبايەۆ instagram-دا اتالعان كومپانياعا سەنىپ قالعانىنا وكىنەتىنىن، ولاردان ءبىر تيىن دا الماعانىن، كەيىنىرەك تولىعىراق پىكىر بىلدىرەتىنىن ايتسا، مەيىرجان شەرنيازوۆ ازىرگە ءۇنسىز. ال ازيمجان سايدبايەۆ instagram پاراقشاسىنا 4 جەلتوقساننان بەرى ەشتەڭە سالماعان.
پىكىر قالدىرۋ