سونداي-اق جيىندا مەملەكەت مەنشىگىندەگى جەكەلەگەن نىسانداردى، سونداي-اق نۇر-سۇلتان، الماتى، اقتوبە، قاراعاندى، قىزىلوردا، قوستاناي، پاۆلودار قالالارىنداعى كوشەلەردى قايتا اتاۋ ماسەلەلەرى قارالدى.
"وزدەرىڭىز بىلەتىندەي، مەملەكەت باسشىسى قازاقستان حالقىنا جولداۋىندا ءبىرقاتار اكىمشىلىك-اۋماقتىق وزگەرىستەردى اتاپ ءوتتى. ولاردىڭ بارلىعى تەرەڭ ەكونوميكالىق نەگىزدەمەگە يە، وراسان زور مۋلتيپليكاتيۆتىك اسەرى بار. دەگەنمەن ەڭ باستىسى-قوعامدىق پىكىردى ەسكەرۋ ماڭىزدى. ەندى قازاقستاندا ءوز وبلىس ورتالىقتارى بار جاڭا وبلىستار پايدا بولادى. اتاپ ايتقاندا، سەمەي قالاسى جاڭا اباي وبلىسىنىڭ ورتالىعىنا، جەزقازعان جاڭادان قۇرىلعان ۇلىتاۋ وبلىسىنىڭ ورتالىعىنا اينالادى، وسىنداي وزگەرىستەر الماتى وبلىسىنا دا قاتىستى" دەدى مينيستر.
وتىرىس قورىتىندىسى بويىنشا كوميسسيا مۇشەلەرى شىعىس قازاقستان، قاراعاندى جانە الماتى وبلىستارى اكىمدىكتەرىنىڭ جاڭادان قۇرىلعان اباي، ۇلىتاۋ جانە جەتىسۋ وبلىستارىنا اتاۋلار بەرۋ تۋرالى ۇسىنىستارىن ماقۇلدادى. جاقىن ارادا كوميسسيانىڭ قورىتىندىسى دايىندالىپ، زاڭناماعا سايكەس ودان ءارى جۇمىس ىستەۋ ءۇشىن وبلىستاردىڭ اكىمدىكتەرىنە جىبەرىلەتىن بولادى. بۇعان دەيىن رەسپۋبليكالىق ونوماستيكا كوميسسياسى قاپشاعاي قالاسىن قونايەۆ دەپ قايتا اتاۋ تۋرالى وڭ قورىتىندى بەرگەن بولاتىن.
پىكىر قالدىرۋ