بىرىككەن ۇلتتار ۇيىمى ۋكرايناداعى 7،5 ميلليون بالانىڭ 4،8 ميلليونى سوعىس باستالعالى باسپاناسىن تاستاپ كەتكەنىن حابارلادى. بۇل تۋرالى Eruonews.com باسىلىمى جازدى.
الداعى كەزەڭ "كييەۆ ءۇشىن شەشۋشى كەزەڭ" دەيدى باتىس شەنەۋنىكتەرى. ۋكراينا پرەزيدەنتى زەلەنسكيي رەسەي ۋكراينانىڭ شىعىسىنداعى كەزەكتى شابۋىلعا ون مىڭداعان ساربازىن جۇمىلدىرىپ جاتقانىن ايتادى.
اقش پەن ۇلىبريتانيا "ماريۋپولگە شابۋىل جاساعان رەسەيلىك كۇشتەردىڭ حيميالىق قارۋ قولدانعانى تۋرالى اقپاراتتى زەرتتەپ جاتقانىن جەتكىزدى.
ال اۆستريا كانسلەرى كارل نەحاممەر سوعىس باستالعالى بەرى رەسەي پرەزيدەنتى ۆلاديمير پۋتينمەن كەزدەسكەن ءبىرىنشى ەۋرووداق باسشىسى بولدى. ول ءپۋتيننىڭ ماسكەۋدەگى رەزيدەنسياسىندا وتكەن كەلىسسوزدەر "تىك، اشىق جانە قاتال" فورماتتا ءوتتى دەيدى.
ءۇندىستان پرەمەر-مينيسترى نارەندرا مودي پۋتين مەن زەلەنسكييگە تىكەلەي كەلىسسوزدەر جۇرگىزۋگە بىرنەشە رەت جۇگىنگەنىن اتاپ ءوتتى.
پىكىر قالدىرۋ