ق ر يندۋستريا جانە ينفراقۇرىلىمدىق دامۋ مينيسترلىگىگىنىڭ باسپا ءسوز قىزمەتى جەڭىلدەتىلگەن اۆتونەسيەلەۋ شارتتارىن جاريالادى.
جەڭىلدەتىلگەن نەسيە باعدارلاماسى بويىنشا قارجىلاندىرۋ سوماسى شامامەن 100 ملرد تەڭگەنى قۇرايدى. وڭىرلەردەگى اۆتوبۋستار پاركىن جاڭارتۋ ءۇشىن 30 ملرد تەڭگەگە جۋىق قاراجات بولىنەدى.
جەڭىل اۆتوموبيلدەردى ساتىپ الۋعا نەسيە بەرۋ تومەندەگى شارتتار بويىنشا جۇزەگە اسىرىلادى:
- سىياقى مولشەرلەمەسى: 4%؛
- نەسيەلەندىرۋ سوماسى: 10 ملن تەڭگەدەن ارتىق ەمەس؛
- قارجىلاندىرۋ مەرزىمى: 7 جىلدان ارتىق ەمەس؛
- باستاپقى جارنا: 0 % باستاپ؛
- كولىك قۇرالىنىڭ قۇنى: 15 ملن تەڭگەدەن اسپايدى.
اۆتونەسيەنى ەكىنشى دەڭگەيدەگى بانكتەر بەرەتىن بولادى.
"قارجىلاندىرۋدىڭ اشىقتىعىن قامتاماسىز ەتۋ ءۇشىن مينيسترلىكتەرمەن مىندەتتى شارت كوزدەلگەن. وعان سايكەس ەكىنشى دەڭگەيدەگى بانكتەردە قارىز الۋشىلارعا قارجىلاندىرۋدى ۇسىنۋدىڭ مارتەبەسى مەن مەرزىمىن قاداعالايتىن اۆتوماتتاندىرىلعان جۇيە بولۋى ءتيىس. سونداي-اق قارىز الۋشىعا ەكى جىلدىڭ ىشىندە ءبىر رەتتەن ارتىق اۆتونەسيە الۋعا تىيىم سالاتىن شەكتەۋ ەنگىزىلگەن" دەلىنگەن اقپاراتتىق حابارلامادا
پىكىر قالدىرۋ