بۇگىندە ءىت سالاسى ەلىمىزدە كەڭىنەن قانات جايىپ كەلەدى. سونىڭ ءبىر ناتيجەسى دەپ IN-VR پلاتفورماسىن ايتا الامىز. بۇل جوبانىڭ ەرەكشەلىگى – ادامدار قاشىقتاعى دۇنيەنى كوزىلدىرىكپەن شىنايى كورە الاتىندىعىندا. اتالمىش تەحنولوگيانىڭ قىر-سىرىن ءىت مامانى نازكەن جاقسىبايەۆامەن سۇحباتتان بىلە الاسىزدار.
ءىت سالاسىندا جۇمىس اتقارىپ كەلە جاتقانىما 8 جىلدان اسا ۋاقىت بولدى. قازاقستاننىڭ بىرنەشە اتاقتى بانكتەرىندە قىزمەت ىستەدىم. وندا مەن باعدارلامالىق جاساقتامانى ازىرلەپ، اقپاراتتىق جۇيەلەردى تالداۋمەن جانە IT-جوبالاردى جۇزەگە اسىرۋمەن اينالىستىم.
ءبىزدىڭ جوبا وزگە ۆيرتۋالدى شىندىق كوزىلدىرىكتەرىمەن ۇقساس كەلەدى. ماسەلەن، بۇل قۇرال ارقىلى دا ءتۇرلى بەينەلەردى 360 گرادۋستا كورە الاسىز. قۇددى ءوزىڭىز سول جەردە ساياحاتتاپ نە ويىن ويناپ جۇرگەندەي اسەر الاسىز.
VR-جۇيەسىن تاعى قانداي ماقساتتا قولدانۋعا بولاتىنىنا توقتالايىن. وزگە ايماقتاعى ءىس-شارالاردى، فۋتبول جارىسىن نەمەسە ءبىر شەتەلدىك جۇلدىزدىڭ كونسەرتىن كورگىڭىز كەلدى دەيىك. كەيدە سول شارالاردىڭ بيلەتتەرى وتە قىمبات بولادى نەمەسە تەز ساتىلىپ كەتەدى. سونىمەن قاتار ۇشىپ-كەلۋ، ۆيزالىق الىمدارعا اقشاڭىز تاعى شاعىندالادى. مۇندايدا ءسىز ەلەكتروندىق بيلەتتى ساتىپ الاسىز دا، IN-VR-پلاتفورماسىنداعى جەكە كابينەتكە كىرەسىز. بيلەتتىڭ كودىن ەنگىزىپ، بەينەنى كومپيۋتەر، نوۋتبۋك، ۇيالى تەلەفونداعى براۋزەر ارقىلى نەمەسە VR-كوزىلدىرىگءىن كيءىپ كورە الاسىز. مىنەكەي، وسىلايشا ۋاقىتتى دا، قارجىنى دا ۇنەمدەۋگە بولادى.
پىكىر قالدىرۋ