قازگيدرومەتتىڭ 26-28 ساۋىرگە ارنالعان اۋا رايى بولجامىندا ەلدىڭ سولتۇستىگى مەن ورتالىعىندا اۋا رايى كۇرت جىلىناتىنى حابارلاندى.

"الداعى كۇندەرى انتيسيكلون كەلەدى، بۇل جاۋىن-شاشىننىڭ توقتاۋىنا جانە اۋا ماسسالارىنىڭ بەلسەندى جىلىنۋىنا ىقپال ەتەدى: كۇندىز ەلىمىزدىڭ سولتۇستىگىندە 13-18-دەن 20-25-كە دەيىن جىلۋ، ورتالىقتا 8-18-دەن 15-23-كە دەيىن جىلۋ، وڭتۇستىكتە 18-28-دەن 23-30-عا دەيىن جىلۋ، باتىستا 20-28 جىلۋ، شىعىستا 10-18 جىلۋ، ال وڭتۇستىك-شىعىستا 17-25 جىلۋ ورىن الادى" دەلىنگەن اقپاراتتىق حابارلامادا.

سينوپتيكتەر رەسپۋبليكانىڭ باتىسى مەن تاۋلى، تاۋ بوكتەرىندەگى اۋداندارىندا، اتموسفەرالىق فرونتالدىق بولىكتەردىڭ وتۋىنە بايلانىستى نايزاعاي ويناپ، جاڭبىر جاۋاتىنىن بولجاپ وتىر.

ورتالىقتا، شىعىستا جانە تاۋلى ايماقتاردا تۇندە جانە تاڭەرتەڭ تۇمان بولجانادى، قازاقستاننىڭ وڭتۇستىگىندە، وڭتۇستىك-باتىسىندا شاڭدى داۋىل مەن جەل كۇشەيەدى.