22 ءساۋىر كۇنى ونەردىڭ قاراشاڭىراعى اتانعان كيەلى وقۋ ورداسى – ت.ق. جۇرگەنوۆ اتىنداعى قازاق ۇلتتىق ونەر اكادەمياسىندا مەكتەپ جانە كوللەدج ءبىتىرۋشى تۇلەكتەر ءۇشىن «اشىق ەسىك» كۇنى ءوتتى.

شارانىڭ رەسمي ءبولىمى اكادەميا الاڭىندا بەلگىلى ونەر مايتالماندارى، ەسترادا، بي، تەاتر، كينو جانە تۆ، بەينەلەۋ، ءسان سالاسىنىڭ وكىلدەرى قاتىسقان مەرەكەلىك كونسەرتپەن باستالدى.

سالتاناتتى جيىندى اشقان اكادەميا رەكتورى، قازاقستاننىڭ ەڭبەك سىڭىرگەن قايراتكەرى ازامات ساتىبالدى ارمانىنا قادام باسقان جاس تالاپكەرلەردى ونەر ورداسى قارسى الۋعا دايىن ەكەنىن جەتكىزدى.

«67 جىلعا جۋىق تاريحى بار ونەر اكادەمياسىنان قازاقتىڭ نەبىر بۇلب ۇلى مەن ءدۇلد ۇلى تۇلەپ ۇشقانى بەلگىلى. بۇگىندە حالىق ارتيستەرى، ەلىمىزگە ەڭبەك سىڭىرگەن قايراتكەرلەر وسى قاسيەتتى قاراشاڭىراقتان ءوز سىباعاسىن الىپ، ونەر كوگىندە قالىقتاپ كەلەدى. ءوز ۇلتىنىڭ نەبىر ساحنا شەبەرلەرى، ونەر مايتالماندارى، تالانتتى تۇلعالار قالىپتاستىرعان ۇلكەن مەكتەپتەن ءبىلىم الۋ – ونەرگە تالاسى بار اركىمنىڭ دە ارمانى بولسا كەرەك.

بۇگىنگى اشىق ەسىك كۇنىنە ءوز ارمانىن ارقالاپ كەلگەن ورەندەردىڭ كوزىندە ەرەكشە سەزىم، عاجاپ ۇشقىن مەنمۇندالاپ تۇرعانىن كورىپ تۇرمىن. ەندەشە، سول ۇشقىندى جالىنداتۋعا، تالانتتاردىڭ قابىلەتىن ۇشتاي تۇسۋگە، ولاردىڭ ناعىز شەبەر ونەر يەسى اتانۋىنا باعىتتايتىن بىرەگەي ونەر ورداسى سىزدەردى قارسى الۋعا دايىن»، - دەدى اكادەميا رەكتورى ءوز سوزىندە.

قازاقستاننىڭ حالىق ءارتىسى تۇڭعىشباي جامانقۇلوۆ، قازاقستاننىڭ ەڭبەك سىڭىرگەن قايراتكەرلەرى – دۋلىعا اقمولدا، بەرىك ايتجانوۆ، تەاتر جانە كينو جۇلدىزدارى ەركەبۇلان دايىروۆ، اسان ماجيت، رۇستەم جانىامانوۆ، قازاقستاننىڭ ەڭبەك سىڭىرگەن قايراتكەرى تولقىن زابيروۆا، شوۋ-بيزنەستىڭ جارقىن جۇلدىزدارى كامشات جولدىبايەۆا، گاۋھار قاسپاقوۆا، ايري، «الاش ۇلى» جانە «الاتاۋ سەرىلەرى»، كينو سالاسىنىڭ بەلدى وكىلدەرى اسقار ۇزابايەۆ، اداي ابەلدينوۆ، ونەرتانۋ عىلىمىنىڭ مايتالماندارى، وتاندىق بەلگىلى سۋرەتشى جانە ديزاينەرلەر، تانىمال حورەوگرافتار مەن بيشىلەر -  جۇرگەنوۆ اكادەمياسىنىڭ تالانتتى تۇلەكتەرى ارنايى توسەلگەن قىزىل كىلەممەن ءجۇرىپ ءوتىپ، جاس تالاپكەرلەرگە ساتتىلىك تىلەدى.

«اشىق ەسىك» كۇنى سالتاناتتى تۇردە اشىلعان سوڭ جوعارىدا اتالعان مادەنيەت قايراتكەرلەرىمەن جانە شىعارماشىل جاستارمەن كەزدەسۋ ۇيىمداستىرىلىپ، ءار فاكۋلتەت جانە كافەدرا ارنايى شەبەرلىك ساعاتتارىن وتكىزدى.

سونداي-اق، تالاپكەرلەر اكادەميا عيماراتىن ارالاپ، وقۋ بولمەلەرىن جانە ساباقتاردىڭ ءوتۋ بارىسىن تاماشالادى.

جىل سايىنعى داستۇرگە اينالعان شارا مەكتەپ جانە كوللەدج ءبىتىرۋشى تۇلەكتەرگە اكادەميادا وقىتىلاتىن  بارلىق ماماندىقپەن تانىسۋعا مۇمكىندىك بەردى.

بولاشاق ستۋدەنتتەر التى فاكۋلتەت، ەكى كافەدرا بويىنشا تولىق مالىمەت الىپ، دايارلىق باعدارلاماسىمەن تانىسىپ، ماماندىق تاڭداۋ جايلى سۇراقتارىنا جاۋاپ الدى.

ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ باسپا ءسوز قىزمەتى