بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش كييەۆتە ۋكراينا پرەزيدەنتى ۆلاديمير زەلەنسكييمەن كەلىسسوز جۇرگىزبەك.
ۋكرايناداعى سوعىسقا بايلانىستى گۋتەرريش وسى اپتانىڭ باسىندا ماسكەۋگە بارعان. ماسكەۋدەگى كەلىسسوزدەردە گۋتەرريش بۇۇ رەسەيدىڭ ارەكەتىن "باسقىنشىلىق" دەپ سانايتىنىن جەتكىزدى. ول رەسەي مەن ۋكراينانى ءقاۋىپسىز گۋمانيتارلىق دالىزدەر قۇرۋ ءۇشىن بىرلەسىپ جۇمىس ىستەۋگە بىرنەشە رەت شاقىرعانىن ايتتى.
سونداي-اق ول پورتۋگالدىق باق-قا پۋتين ماريۋپولداعى مەتاللۋرگيالىق زاۋىتتا قالىپ قويعان جۇزدەگەن بەيبىت تۇرعىندى ەۆاكۋاسيالاۋعا كومەكتەسۋگە كەلىسكەنىن ايتتى. BBC اقپاراتىنشا، ەۆاكۋاسيالاۋ وپەراسياسى كۇردەلى جانە نازىك ەكەنىن مالىمدەگەن.
گۋتەرريش كييەۆكە قونعاننان كەيىن تۆيتتەردە "گۋمانيتارلىق قولداۋدى كەڭەيتۋ جانە بەيبىت تۇرعىنداردى قاقتىعىس ايماقتارىنان ەۆاكۋاسيالاۋ بويىنشا جۇمىسىمىزدى جالعاستىرامىز" دەپ ۋادە بەردى.
پىكىر قالدىرۋ