ورتالىق افريكا رەسپۋبليكاسى (وار) بيتكويندى زاڭدى تولەم قۇرالى رەتىندە ماقۇلداپ، كوريپتوۆليۋتانى رەسمي قابىلداعان ەكىنشى مەلملەكەت اتاندى.
وار الەمدەگى ەڭ كەدەي ەلدەردىڭ ءبىرى، ءبىراق گاۋھار، التىن جانە ۋرانعا باي.
بۇل ەل رەسەيدىڭ جاقىن وداقتاسى. ەلدە ونداعان جىلدار بويى قاقتىعىستار بولعان.
"زاڭ شىعارۋشىلار بيتكويندى زاڭدى تولەم قۇرالى رەتىندە قابىلداۋعا ءبىراۋىزدان داۋىس بەردى. بۇل قادام – وار-دى الەمدەگى ەڭ باتىل جانە كورەگەن ەلدەردىڭ كارتاسىنا ەنگىزەدى" دەلىنگەن وار پرەزيدەنتى باسپا ءسوز قىزمەتىنىڭ مالىمدەمەسىندە.
سالۆادور 2021 جىلدىڭ قىركۇيەگىندە بيتكويندى رەسمي ۆاليۋتا رەتىندە قابىلداعان العاشقى ەل بولعان. بۇل قادامدى كوپتەگەن ەكونوميستەر، سونىڭ ىشىندە حالىقارالىق ۆاليۋتا قورى "قارجىلىق تۇراقسىزدىق ءقاۋپىن ارتتىردى" دەپ سىناعان.
