رەسەي پرەزيدەنتى ۆلاديمير پۋتين ۋكرايناداعى سوعىسقا ارالاسقىسى كەلەتىن كەز كەلگەن ەل قاتال جاۋاپقا تاپ بولاتىنىن ەسكەرتتى. بۇل تۋرالى BBC حابارلادى.
"بىزدە ەشكىمدە جوق بارلىق قۇرالدار بار... قاجەت بولسا، ءبىز ولاردى قولدانامىز" دەيدى ول.
باسىلىم پۋتين وسى ارقىلى بالليستيكالىق زىمىراندار مەن يادرولىق قارۋلاردى مەڭزەپ وتىرعان بولۋى مۇمكىن دەپ جازادى.
باتىس ەلدەرى ۋكراينانىڭ رەسەيدى جەڭەتىنىنە ۋادە بەرىپ، قارۋ-جاراق جەتكىزۋدى كۇشەيتكەن. ولار رەسەي ۋكراينانىڭ شىعىسىنداعى ماقساتتارىندا ساتسىزىككە ۇشىراپ جاتقانىن ايتادى.
وتكەن اپتادا رەسەي كييەۆتىڭ توڭىرەگىندەگى اۋدانداردان شىعىپ، دونباسس ايماعىن باسىپ الۋ ءۇشىن اۋقىمدى شابۋىلعا كىرىسكەن.
باتىستىق اسكەري ساراپشىلاردىڭ پىكىرىنشە، رەسەيلىك كۇشتەر ۋكراينانىڭ تاباندى قارسىلىعىنا تاپ بولىپ، شىعىنعا ۇشىراپ جاتىر.
پىكىر قالدىرۋ