ءبىر جىلدا قايتالاما نارىقتاعى پاتەرلەردىڭ باعالارى 27،7%، جاڭا تۇرعىن ۇيلەردى ساتۋ 20،3%-عا قىمباتتاعان. اباتتاندىرىلعان تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا 22،2% جوعارى. بۇل تۋرالى ستاتيستيكا كوميتەتى حابارلادى..
ستاتيستيكا كوميتەتىنىڭ مالىمەتىنشە، تۇرعىن ءۇي باعاسى بەسىنشى جىل قاتارىنان ءوسىپ جاتىر. باعانىڭ تومەندەۋى 2016 جىلى عانا تىركەلگەن. ول كەزدە جاڭا تۇرعىن ءۇي نارىقتا 3،6%-عا ارزانداعان. 2017 جىلى قايتا ساتۋ نارىعىنداعى شارشى مەتردىڭ باعاسى 1،6%-عا ارزانداعان.
"ءبىر ايدىڭ ىشىندە (2022 جىلعى ناۋرىزعا قاراعاندا) پاتەرلەردى قايتا ساتۋ باعالارى 1،8% ءوسىپ، شارشى مەترىنە 459 137 تەڭگەنى قۇرادى. جاڭا تۇرعىن ءۇيدى ساتۋ جانە اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا ساۋىردە ءارقايسىسى 0،8%-عا جوعارىلاپ، شارشى مەترىنە تيىسىنشە 412 315 تەڭگە جانە 3 561 تەڭگەنى قۇرادى" دەلىنگەن اقپاراتتىق حابارلامادا.
پىكىر قالدىرۋ