– گەوساياسي تۇراقسىزدىق، جاڭا سىن-تەگەۋرىندەر مەن قاۋىپ-قاتەرلەر جاعدايىندا ءبىز ۇلتتىق مۇددەمىزدى قورعاۋعا، مەملەكەتىمىزدىڭ ەگەمەندىگى مەن اۋماقتىق تۇتاستىعىن ساقتاۋعا دايىن بولۋىمىز كەرەك. سوندىقتان قورعانىس الەۋەتىن نىعايتۋ ءاردايىم ءبىزدىڭ ماڭىزدى باسىمدىعىمىز بولادى، – دەدى قاسىم-جومارت توقايەۆ.
ق.توقايەۆ كۇشتىك ورگانداردا قىزمەت ەتۋدىڭ ابىرويلى ميسسيا جانە ۇلكەن جاۋاپكەرشىلىك ەكەنىن اتاپ ءوتتى. ونىڭ ايتۋىنشا، قازاقستان قارۋلى كۇشتەرىنىڭ ساربازدارى مەن ساردارلارى وزدەرىنىڭ ەپتىلىكتەرى مەن قابىلەتتەرىن تۇراقتى تۇردە شىڭداي وتىرىپ، وزىق جاۋىنگەرلىك شەبەرلىكتەرىن كورسەتىپ كەلەدى.
قاسىم-جومارت توقايەۆ جيىن بارىسىندا قوس مەرگەن تولەۋعالي ابدىبەكوۆ پەن ىبىرايىم سۇلەيمەنوۆكە، كاپيتان الەكساندر نەسميانوۆكە قازا بولعاننان كەيىن بۇگىن "حالىق قاھارمانى" اتاعىن بەردى. سالتاناتتى ءىس-شاراعا قاتىسقان تولەۋعالي ابدىبەكوۆ پەن ىبىرايىم سۇلەيمەنوۆتىڭ تۋىستارىنا حالىق قاھارمانىنىڭ ەرەكشەلىك بەلگىسى "التىن جۇلدىز" بەن "وتان" وردەنى تابىستالسا، الەكساندر نەسميانوۆتىڭ ناگراداسى مۋزەي تورىنەن ورىن الادى.
پىكىر قالدىرۋ