ۋكراينانىڭ وڭتۇستىگىندەگى حەرسون قالاسىنداعى وبلىستىق كەڭەس ءتوراعاسى الەكساندر سامويلەنكو ايماقتى باسىپ العان رەسەيلىكتەر 9 مامىردى تويلاۋدى جوسپارلاپ جاتقانىن ايتتى.
ولار ازاماتتارعا "ۇراندار، اندەر، بيلەر ۇيرەتەدى" دەدى الەكساندر سامويلەنكو كييەۆتىڭ "ۋنيان" اقپاراتتىق اگەنتتىگىنە.
"ءبىراق ولار اكتەرلەردى قىرىمنان نەمەسە باسقا ايماقتاردان اكەلۋگە ءماجبۇر. ويتكەنى حەرسون اكتەرلەرى بۇل شاراعا قاتىسۋعا كەلىسپەيدى" دەيدى ول.
سامويلەنكو حەرسون قالاسىنداعى جاعداي "از-كەم تىنىش" بولعانىمەن، قالعان ايماقتا تويلاۋ تۋرالى ايتۋ مۇمكىن ەمەس ەكەنىن جەتكىزدى.
"سوعىس قيمىلدارى بولىپ جاتقان وڭىرلەردىڭ شەكاراسىندا ورنالاسقان اۋىلدار تولىعىمەن جابىلدى، ءتىپتى ازىق-تۇلىك، دارى-دارمەك جانە باسقا دا زاتتاردى ەرىكتى تۇردە اكەلۋ مۇمكىن ەمەس" دەيدى ول.
پىكىر قالدىرۋ