"بىرىككەن ۇلتتار ۇيىمى ماريۋپولدەن جۇما كۇنى كەزەكتى ەۆاكۋاسيانى ۇيىمداستىرادى" دەپ حابارلادى بۇۇ باس حاتشىسى انتونيۋ گۋتەرريش.
"ءبىز ادامداردى وسى توزاقتان شىعارۋ ءۇشىن قولدان كەلگەننىڭ ءبارىن جاساۋىمىز كەرەك" دەدى ول.
بۇۇ ۋكراينانىڭ وڭتۇستىگىندەگى قالادان ەۆاكۋاسيالانىپ جاتقان ادامدارعا پسيحولوگيالىق قولداۋ كورسەتۋ ارقىلى كومەكتەسىپ جاتقانىن جەتكىزدى.
وتكەن اپتادا رەسەي پرەزيدەنتى ۆلاديمير پۋتينمەن كەزدەسۋىندە گۋتەرريش قورشاۋدا قالعان اۋداندارعا گۋمانيتارلىق كومەك كورسەتۋ جانە ەۆاكۋاسيالاۋدى قامتاماسىز ەتۋ قاجەتتىلىگىن اتاپ وتكەنىن ايتتى.
بەيسەنبىدە پۋتين رەسەيلىك كۇشتەر قالاداعى زاۋىتتا قالىپ قويعان بەيبىت تۇرعىندارعا قالادان شىعاتىن ءقاۋىپسىز جولدى ۇسىنۋعا دايىن ەكەنىن ءمالىم ەتكەن. ول سونداي-اق "كييەۆ ۋكراين جاۋىنگەرلەرىنە قارۋلارىن تاستاپ، بەرىلۋگە بۇيرىق بەرۋى كەرەك" دەيدى.
ۋكراينا پرەزيدەنتى ۆلاديمير زەلەنسكيي تۇندە سويلەگەن سوزىندە رەسەيلىك كۇشتەر ازوۆستال مەتاللۋرگيا زاۋىتىن اتقىلاۋدى توقتاتپاعانىن ايتتى.
دەرەككوز: ۆۆس
پىكىر قالدىرۋ